ملحـــــــــــــــــــــــــــــــــــمة الاســـــــــــــاعــــــــــــــدة

[’’الفارس’’]

شكلك رديت في نفس الوقت مع تحريري للمشاركه وحذف السؤال

عموما ماقصرت يالأسعدي جزاك الله خير

[الوليد الاسعدي]

كاتب الرسالة الأصلية ’’الفارس’’
شكلك رديت في نفس الوقت مع تحريري للمشاركه وحذف السؤال

عموما ماقصرت يالأسعدي جزاك الله خير

نعم يالفارس هو كذلك انا رديت فور رؤيتي لسؤالك قبل تحريره .. ولا أخفيك أنى فرحت بالسؤال بشكل عام لأنني قبل وضع الملحمة هممت بان اجعل لها مقدمة تجيب على مثل الإشكاليات التي ذكرت ... ولأنني اتجنب كثرة الاستثناءات وكلمة لكن في الكلام والأخذ بالعموميات في الغالب، آثرت تركها كما هي .. خصوصا انها في منتدى الهيلا الذي بتمتع أعضاءه بقوة النقد وعمق الرؤية وسلامة المقصد .
أكرر شكري لك وتقديري ... وهي فرصة لأهنيك بشكل خاص بالعيد وكل عام وأنت بخير.

[ابن ثريان]

الف تحية شكر وعرفان للجميع

يقول من بعض الامور حداه = على القيل باسباب يطول مداه
لو اذكر الاسباب طولت شرحها = أو زادها هذا لذاك رواه
ما اعد نفسي شاعر مع هل العدد = احفظ مثل وافهم بعض معناه
ما قلتها وافد ولا هي تغزل = ولا اعيل والمخطي نعد خطاه
والقيل به واضح وغامض ومشتبه = معنى المثل في بطن من سواه
أرى كل شاعر قوم يمدح قبيلته = أيضاً يصادم بالجواب عداه
وانا من الهيلا هل الفعل والظفر= لو عد عشر افعالهم كفاه
تشهد لهم ساكنة البر والبحر = ومعارك غطا الجبال سناه
من أولاد روق اللي عريبٍ ساسهم = وبرقا وهم جسم كمل بأعضاء
هيلا تهايل بالفعايل والعداد = برقا وروق من أوله لا تلاه
ولزمهم بالجار والوجه والخوي = ومن له لزم من الجميع أداه
سكنا رهاط وبه تركنا غروسنا = رهاط المسمى بالحجاز رباه
اساعدة جينا مع أولاد عمنا = احفاة وسميري وما والاه
تفرقوا في نجد حضر وبادية = وكثيرهم بأرض العراق نصاه
اساعدة بأرض الحويقة وغيرها = خذوها بفعل ما عطوا مداه
ومسامير منا أهل عنان وفرس = مع الظفير مدلهة من جاه
لوهم قريب نفتخر بافعالهم = لا شك في بعد الوطن مجفاة
بعضهم بنجد بداة تشهر فعولهم = سميري عددهم واسعدي واحفاة
عددهم قليل وبينتهم فعولهم = معارك تسجل والنشيد أحياه
لقوة مسيمير وشمر وغيرهن = والصدق تشهد به كثير عداه
اساعدة يا سعد منهم ربعه = اقطع من الهندي بحد سناه
جنوبنا الزلفي شهير مع الملا= واللي يعاندهم يضيع جداه
فروع عربان وصاروا قبيلة = وسما ذكرهم حتى العدا تدراه
من يعتزي بجريس في كل ديرة = من كثرهم يصعب علي احصاه
منهم من السلمان جو في عنيزة = هم والذكير بشهرة تزهاه
أيضاً حمد وحمود وهم الشايع = وملحم مع الراشد فعول وجاه
جو بالكويت وسجلوا به طايل = يستاهل النوماس من شراه
اللي يريد الطيب دربه واضح = واهل الردى عسر لهم مرقاه
وبني عمنا الفوزان جو في بريدة = هم والرشود وجا من زعماه
ضحيان والقناص هم والصقري = كل لما قدم ينال جزاه
انشد وتلقى الاسعدي فوق ذكرهم = مع اولاد علي مدمرة لعداه
ومنا سكن بقعا هي أول بلادنا = بنوا بها مجد وطال بناه
يا كثر مع زايد كرمهم شجاعة = مواريث جد من ولاه بناه
ومنا القعيد والمويشير قد ربوا = مع لابة مدح العرب يزهاه
هل الجوف اهل فعل وجو من خيارهم = ورجا المشتهر ما احد ينول حماه
سطا على المنصوب ماهاب قوته = غيرة مواطن والسطار حداه
والاسياح كله ما انسل الجد صالح = وراشد بظني هو كبير ضناه
نزل بعلقة من عقب سكنا المجمعة = وأكبر عياله رحل وابداه
مع الطوالة قيل عشر يزيدن = سنين وهم في قصرة ما احلاه
تبادلوا بالطيب وأكبر ماقف = حصار الحريب اللي زموا بنحاه
هل الفعل والنوماس والطيب والصخا = عزوتهم الهدلا يزاد ثناه
وعقب الطوالة قاصروا لابن نملة = على البرود ومنه تم شراه
واستكملوا باقي التنومة بالثمن =* وزاد البلاد وساعفت دنياه
وتفرقوا منها بالاسياح كلها = باملاكهم كل تبع مشهاه
وصاروا مداهيل لركابة النضا = وشمخ ذكرهم حتى البحور عداه
وشمالنا ابا الدُّود زراعة الثنا = دنيا ودين والاله سقاه
بنو عمنا نفرح الى عد فعلهم = حنا وهم يمنى وذي يسراه
اما حنيظل به نوادر خوالد = واللي مدحهم مقتدي ما تاه
معهم من المطران وعنوز مثلهم = كل نقل حمله وزاد وراه
وبالاسياح من كل القبايل نزايع = فروع وحمايل فعلهم شفناه
سلوا عن بدايدهم وحنا نودهم = كل من الثاني يزيد غلاه
وبني عمنا بطريف غربي بلادنا = ريف لمن جوع المحول وطاه
بذارة المعروف حرابة الردى = في وقت من صاد الجراد شواه
ومنهم الخمشة اللي ربوا مع جدودنا = قالوا بنا مدح يلوح ضواه
راع الطيب نمشي له على قد طيبه = وراع الردى اللي مرخصه رداه
ايضاً الهجر معنا جهدهم وعدهم = منا وحنا ما وطوا ناطاه
مطير وعنوز ومن حرب لابة = يا وي قصرة جنسهم تشهاه
كل العموم أجناب واليا تقاربوا = غدوا مع بعضهم كاللبن مع ماه
أساعدة وسمه على الهجن حلقة = واللي خلطهم يا سمه برضاه
من روس واعيان أي دار ربوابها = سنان القنا مفهوم هو مبداه
أساعدة هذي موقع ديارهم = واللي نشد عن طيبهم يلقاه
شجعان كرمان يعزون جارهم = مداهيل ذا خاطر وذا يقفاه
اما فهيد ارث محمد واخوته = هم الفهيد ونفتخر باسماه
عبد العزيز اللي تومر عقبه = واخوه عبد الله مشا ممشاه
وبنيخيهم المنديل هم والعامر = وكل الجماعة ما وطوا تاطاه
حاموا على الديرة بعسره ويسرها = إلى اليوم ذا ما بدلوا سكناه
واما محمد عقب خونة ثويني = بلدهم وكهال الرجال افناه
نزح للعراق وعاد منها على الوطن = كما قيل كل عايد مرباه
وعطا العين له عبد العزيز المحمد = واللي حكم بعده عطوا بعطاه
بدا حفرها وأسس بناها على الصخا = بداها وحيد وساعده مولاه
بزروع وربوع يبالغ بكثرها = ورقيق يامرهم على مشهاه
شهد له مهلهل بالنشيد وغيره = سجل له التاريخ لين ملاه
وحبوه من عرفوه حضر وبادية = على كثر ما ينفق وزين نباه
وارث عياله اربعة مثل فعله = يني خي السبيلة ذا لذاك لداه
ومعهم بني خيهم ضنا عبد الله = الجد واحد والفعول اشباه
وعيال العيال اللي تورخ فعالهم = كل تحوش الطايلة يمناه
وتراوحت رسم الامارة بينهم = من صار منهم ما يحوش افناه
قنوا مماليك وجيش واصاليل = خيل عريب ساسها وغياه
مماليكهم ساووا بهم مثل نسلهم = وهم اخلصوا كن العمام أباه
قنوهم بحشمة واعقوهم بلا ثمن = كل على الرب الاله جزاه
وغزوا مع آل سعود بالمال والجهد = بجيش وخيل مركمين غذاه
وزكايا لبيت المال الوف مولفة = بدفاتر يقرا اوله واتلاه
وجهاد بنقود تساعد بوقتها = على الاصل واهل كدادته معفاة
ندافع مع آل سعود بالمال والجهد = والصدق يشهد له على طرياه
الصدق مثل النور ما ينتغطى = ما يقدر المغرض يفل غطاه
اللي يريد الصدق ينشد هل البخت = يعدون شي ما بعد قلناه
والناس كل له فعولٍ قديمة = وان عدها الهراج صدّقناه
واللي حداه القل والعسر يعذر = جود الفتى بالوجد من مولاه
واللي له افعال قديم يعدها = هل القرى كل يعرف اخاه
بالناس من حصّل جميلٍ على القصى = يوم أن الاكثر يكْهله عشاه
واليوم من فضل الولي كل اغتنى = الفرق بالحاجة على مبداه
ما تطلب الما وانت بالسيل ماشي = كل شرابه من تحت ما طاه
عسى الله يعز حكومة وفرت لنا = كل المعاني نشكر الاله
حق لها نخلص وندعي له البقا = والعروة الوثقى نشد عراه
ماني بحال اللي يعارض وينتقد = قصده نغر والا حداه هواه
أن كان هو كفو من الراس أقابله = بالصدق وان صح الغلط نمحاه
وان كان هولاش دوا اللاش تركه = ولاني مطول للطقاق عصاه
قبل الختام استغفر الله عن الزلل = رب كريم كلنا برجاه
والدين راس المال والعمر فاني = واللي عمل خير وشر لقاه
هذا وصلى الله على صفوة الملا = عداد ما هل السحاب بماه

[محمد العبود]

الحقيقة قصيده اكثر من رائعه
مشكورين ياعيال عمي على التواصل الرائع



ولد عمكم محمد الصقري الواكد الاسعدي العتيبي

[ذيب السبايا]

لاهنت يالغالي

[السيف الأسعدي]

تسلم يا لوليد ماقصرت ابا انشدك من اي الأساعده

[الوليد الاسعدي]

لكم الشكر الجزيل على المرور والتعليق .

التوقيع

و أنا عتيبي من سلالة هـوازن *** ربعي عوايدها الفخر من جدودها ما نوشي الفتنه ولا نحرث الردى *** ولا نهاب اليا تسامت وقودها ان ميل الميزان من قوم يمنا *** صبرنا لها لوكان كبرت لهودها وان ميل الميزان منا على العدا *** نروي من السم السقطري كبودها