وابن شداد عنتر وش حصله .... وهو من يجعل الجمعه قسايم

[ناصر الجلاه]

المشاركة الأصلية كتبت بواسطة السميــــــري

السلام عليكم ..
هذه القصيدة اتمنى ان تحوز على اعجابكم ..

الا يامن على الاطلال قايم = ومن فرقى خليله تاه هايم
يقول هذي مجالسنا وهذي = مفالينا ليا سقنا البهايم
يهل الدمع من عينه وكنه = هماليلٍ تدلت من غمايم
يجر الصوت من فرقى خليله = ويمسح دمع عينه بالكمايم
يقول الله من دنيا المعّنى = ولاقط شيف هذا الدهر صايم
ولا افطر صار فطره من عظامي =وأودعها على أثره حطايم
يقولون الدهر يومٌ اليك = ويومٌ فيك هذا بالتمايم
وهو قال الدهر كله عليه = وليس بيوم لكن دوم دايم
وهذا امرؤُ القيس وحبيبه = على الاطلال والبيدا هدايم
وأبدع في معلقةٍ بمبدا = قفى نبكى على ذكرى القدايم
وابو زيد الهلالي طاش عقله = على عليا بعد عاف الوسايم
صحيح انه من الشجعان لكن = يصير بحبهاا ضمن الهلايم
وقيس ابن الملوح صار آيه = بسوق الحب شاريبه وسايم
على مجنون ليلى صار ذكره = وعقله في حواصل طير حايم
وابن شداد عنتر وش حصله = وهو من يجعل الجمعه قسايم
فرت قلبه بعد ماجات جوفه = وخلى حبها وسط الصمايم
يشيل الداء بردها وبلشبه = وعبله صار في يدها الخطايم
وانا اقول وكلامي ينتبه له = على من صار مثله يالتمايم
ترى حبٍ على غيــــر الإلهي = يزول وينعدم ماهوب دايم
محبه . في مقام الله تبقى = بظل العرش بُعداً للسمايم .

صح السانك يالسميري


جزلـــه من شاعر جـــزل


لله دره تقبل اعجابي



اخوكـــ !! فـــــزاع

التوقيع

القصيد اللي معانيه وبيوته = بالاشاده والشهاده يمتلكها ماكسبها من تحت كمه وكوته=لارسمها بالهواجيس وحبكها جمل الله حال من جمل ثبوته = وانتخى دون الجميله ماتركها كل متذوق لنا يدلي بـ/صوته=السعوديه .."حمد" (شاعر ملكها) آلف آلف مبروووك لقب شاعر الملك يا د. حمد العصيمي لتواصــل على الايميــل الجديد n200m@hotmail.com