@@ قصيده في قبيلة عتيبه ومفاخرها @@

[ماجدالشغار]

المشاركة الأصلية كتبت بواسطة مقعد الدغيلبي

السلام عليكم
هاذي القصيده للشاعر/ ماجد بن متعب بن سند الدغيلبي (يذكرفيها أفعال وامجاد ومفاخر قبيلته عتيبه (الهــــيــلا ) هاذا الشاعر رغم صغر سنه الا أنه يجيد صياغة القصيد بشكل فريد
نترككم مع القصيده

مدام ان المعاني في الظماير والهجوس أحظار=نويت أسري على البابور وانقى الحص من قوره
قناديل المثايل قدم عيني كنها المقطار=على كيفي تجي وتروح منهيه وماموره
أنا اللي لابغيت الشعر مدفع من وراه ايجار=آسوق القاف وهجوسي بعون الله منصوره
أهيم إبغبتن ظلما تهيج وترهب البحار=يموج الموج والحيتان في القيعان مغموره
تلقف للغشيم اللي تخير فالدروب أيسار=على قول المثل كلن بعرفه يقنعه شوره
فلا ياراعي القرطاس سجل بالحروف أسطار=عسى يمناك ياابن الناس محفوظه وماجوره
تذكّرت الزمان اللي مضى يوم السنين أجوار=لحوح الوقت مايرحم وفيه القوم مجبوره
يطير النوم من عيني ودمعي ينتثر همار=يصب الدمع فوق الدمع والاوجان محروره
على ربعن تضد القوم لوإن الجموع أغزار=لها تاريخ ماينسى ولو غابتبه أعصوره
صناديد الرجال أهل المكارم محتمين الجار=هلا الناموس فضخ الروس لا لارقاب باتوره
قبيله بالمراجل والمعالي مالها حكار=تعلت في سنام المجد واخذت بالفلك دوره
تعيش أبعز ماترضى بغير العز مهما صار=وبين الناس بالوقفات مخبوره ومشهوره
تسلسل من هوازن والحقيقه ماعليها غبار=ولا منك جهلت أنشد عن اللي تطفي الثوره
تبى تنبيك ناسن فالقدايم تنشر الاخبار=تهرج في زمانٍ فات يوم الجوع ودهوره
عتيبه روس قومٍ تعرف الميراد والمصدار=على روس الطواغي تهدم البنيان وقصوره
سلاطين المجالس فالمعارك دمها فوار=تضد الضد بقسى الضد والعدوان مدحوره
على نجد المسمى شبت النيران فالمحدار=راحتن تطحن واعلامها بالنصر منشوره
ترستبه وصار الخير منها والفلك سيار=على كل الشقى تصبر وشهب البيد معبوره
ولا منه زبنها شاكي الاوجاع والاضرار=تشوف الغبن بعيونه وصوته بح حنجوره
يصير بوسط عيطاً محتمينه حاكمين الشار=تداحمله جموعاً تارد الميراد منعوره
وفينا طبع فالخوه ماننسى خوة الاوقار=ولا نغدر ولا نظلم ونكره راعي البوره
لا حيث ان الخوي حقه علينا مايبي معذار=ونفسٍ تنتويله بالردى ماهيب معذوره
خوال المصطفى الهادي محمد شمعة الاخيار=تشرفنا وزاد النور فوق النور من نوره
حليمه بنت سعديه تراها ربت المختار=تغذى من لبنها كامل الاخلاق والصوره
كسبنا العز تلو العزولنا فالعرب مقدار=وبنينا البيت في صلبٍ وساسه داخل أصخوره
يقول ابن الخلاوي والخلاوي عارفٍ سبار=يعد أوصاف ماجوده ومكتوبه ومذكوره
نعتنا بالوصوف اللي صداها ثابتٍ بقرار=وكلٍ ماخذإ قسمه بميسوره ومقدوره
ترد العايل العامي بشلفٍ ظربها جزار=ليا صابت شجيع القوم تفري قادمة زوره
مثل فارس ولد سحمان يوم إن الرحى دوار=تشوف القوم من رمحه علاوي ظلم وطيوره
واليا جاها توال الليل والا فالضحى خطار=تهلي بالطراقي من خواطر دوم مسروره
تقدم من قراها كيف بنن ينتشي ببهار =وزودن فوق هذا بالصياني حيل منحوره
عزاز نفوس ماتصدى وفاليمنى تنول أشعار=تسوق الرجل دون العز لو الرجل مكسوره
عليها من دروب الشر بذن الله حجى وستار=تشوم عن الردى ماهي على الهزلات ماموره
على سلم الشرف ماتلتفت للخاين الغدار=سوات الظلع ثابت مايهزه نقر عصفوره
سراج الدين والدنيا عباد الواحد القهار=على المله ودين الحق تمشي حسب دستوره
بظل الشيخ زبن الطيب والميقاف راع الكار=على العدوان سمٍ يندعابه لاسطى جوره
أخو شرعا ليا من الملح وسط الملاقا ثار=يشيل السيف في يمناً يخلي الكبد مفطوره
ومسلط حر ماينسى وفعله ساطينٍ جبار=تقادح من سطر راسه سعاطيرإ لها فوره
كريم الجاه والمقدار للافي يشب النار=وداره بالرجال أهل الشكاله دوم معموره
وبن هندي كبار القوم عنده يصبحون أصغار=بيومٍ هايلٍ منه العرب جفله ومبهوره
مثل يوم العويند والرحى والسر ياستار=بروق الشلف لعاجه وسحب الدم ممطوره
واخو هملا ولد شيبان مايرضى بلبس العار=عليه البيض تنخاله بصوتٍ عاليٍ طوره
وابن حجنه شبيب القرم دونه يقصرن أشبار= شديد الباس والنبراس فالعليا بنا سوره
واخو نوره خزام الخيل فارس فالقى مغوار=على دربه تشوف الذيب مايرجع على سوره
وعفاس المحيا طير حر فالسماء عقار=قصير الطول لآكنه جحيمٍ يطبخ أزفوره
وابو سجدي مناحي شيخ مايبغى جديد أذكار=طويل الشبر ماتلحق عليه أشبار مشبوره
وولد الضيط سالم راسيٍ كنه جبل سنجار=من فعوله تبى تبرى كبودٍ دوم مقهوره
واقول ابالعلا سلطان بحلوق العدا مسمار=ومنه أكبود مسروره ومنه أكبود مسموره
وبن جامع عريب الساس يكسب ديمه المدرار=تجيه أرقاب مخنوعه على الكيعان ماسوره
وبن ماعز بخيت اللي يفرقع زمرت الاشرار=عنيدإ مايبالي في سباع الظلع ونموره
ولاني ناسٍ شيخ المراجل ناصر الشغار=يشيل البيرق اللي يرهب العدوان طابوره
ومحسن من نسل قومٍ تسموا شلوة الكفار=زحازيحٍ نهار الكون منعوره ومسعوره
وناصر بن عقيّل فوق شهب الخيل لامن غار=يخلي الروس دون أجروم تمشي كنها الكوره
وبن عبود سيفٍ ساطينٍ بين العرب بتار=تحّشرله نفوسٍ بالقسى ماهيب محشوره
ومقعد في نهار الكون يحفظ رمية المعيار=على صم الصفاء ياطى ولا همه من عسوره
وقشعان المسمى يقشع الفرسان قشع أجدار=ولو العدا كلٍ عليه أستاق مظهوره
شيوخٍ مانشت بالضعف تمشي في ضحى وجهار=على كثر الفعايل فالعرب ماهيب مغروره
تقافوا ونتحوا والكل منهم ساكنله دار=ولاكن دار غير الدار مابه نار ونجوره
ياكود الثوب الابيض والنصايب للبشر تعبار=الايالله تجنبهم عذاب القبر وسعوره
يارب البيت ياعلام ماتخفى عليك أسرار=تشيل الكرب عنهم يوم كلٍ يحتري دوره
وانا شاعر واصوغ البيت مثل النحت فالاحجار=وبه عرّاف نقاده تعرف اللب وقشوره
وهذا مانطق فكري وغيري للرجال أفكار=وكلٍ في سماء عرفه يسوقه زين منظوره

صح لسان الشاعر /ماجد الدغيلبي قصيده لايعلى عليها وبيض الله وجهك وكذلك وجه الناقل مقعد الدغيلبي وتقبل تحياتي

اخوك ماجد بدر الشغار

[الأمــير]

قصيده
ذات إبداع
وجزاله
في معانيها

[مشعل الريمان]

صح لسان الشاعر




وبيض الله وجه الناقل





وتقبل تحياتي

[ذيب السبايا]

لاهنت يالغالي
صح لسانك

[مقعد الدغيلبي]

المشاركة الأصلية كتبت بواسطة مرزوق العتيبي

...
.

رائعه بكل المقاييس
صح لسان ابو متعب وبيض الله وجهه
والف شكر لك يابو فيصل على حسن اختيارك
................

ابن العم والشاعر الكبير/مرزوووووق العتيبي
تشرفت يرؤية حروفك ومرورك العذب
لاخلا ولا عــــدم يابو منذر
لك ودي وكل وردي

التوقيع

[مقعد الدغيلبي]

المشاركة الأصلية كتبت بواسطة فيصل المسعودي

ماشاءالله تبارك الله


ماشاءالله تبارك الله


شاعر جزل وقصيدة جزله جزلة جزلة


فعلاً ابدع في صياغتها وتفنن في نظمها


صح لسان الشاعر / ماجد الدغيلبي


والشكر موصول لأخونا الغالي والمبدع مقعد الدغيلبي لإمتاعه لنا بهذه الجزلة


تقبلوا تقديري وإحترامي


فيصل المسعودي

ابن العم والمشرف
والاستاااااااذ >>فيصل المسعودي
أضاءة المنتدى والمتصفح بمرورك
تقبل خاااااااااالص تحياااااااااااتي

[مقعد الدغيلبي]

ابو شريد
أشكرك على المرور
والمتابعه

[مقعد الدغيلبي]

أبن مشيب
يالله حيه
وشلون الشايب
عساه بخير
ورى ماتتحفنا بقصايد
من قصايد الشايب
ترى منت معذوووور
**************
ولاهنت على المتابعه
والابداع والجزاله أنتم أهلها

[مقعد الدغيلبي]

محمد الدغيلبي
حي هالطله
والاسم يابن العم
وتشكر على المتابعه
والمرور

[مقعد الدغيلبي]

سهم العضيان
مرحبا تراحيب المطر
حضورك ورؤية أسمك
شرف طال عمرك