سم العقـارب لـو اجـرب اذوقـه=ظني يتعكر من جروح(ن) عطايـب
ليت الجروح الي احتوتنـي رفوقـه=وليت السبب معروف وتبطل عجايب
طعنة زماني .. لو بغيـري تعوقـه=ان كـان ماهلّـوا عليـه الترايـب
اضحك لمن حولي وأخَفّي حروقـه=قلب(ن) تكوى من المصايب لهايـب
نفسي كذا .. للطيب ياهي شفوقـه=ورث(ن) من اللي سيرته طيب غايب
خامست حظ(ن) لكن ابطى شروقـه=وفي قومته .. لابد يجنـي نشايـب
الشعر جيته مابـي احفـظ حقوقـه=همي الاقـي مـن يلبـي النحايـب
لو هو عصاني غصب عنه اسوقـه=حتى الدفاتـر تنفتـح لـي زهايـب
دامي احس الـدم يجـري بعروقـه=انا وقصيدي كـل يـوم(ن) طلايـب
الحزن وثّق فـي فـؤادي وثوقـه=حتى لمحت الروح بارض النصايـب
ليلي سهرته مع نجـوم(ن) تفوقـه=فوق السحاب مودع(ن) للمصايـب
شارد بفكر(ن) خوفي انـي اعوقـه=ودي مـع الأحـلام أبقـى هبايـب
مادام قلبي للفرح .. بـاح شوقـه=يالله ولو اوهـام .. ياحلـم خايـب
راحـت حياتـي بالتمنـي شفوقـه=تنبض ولكن ..! انتهت دون صايـب
ياحروف اسمي شفتي انك عقوقـه=حتى المعانـي تنـزف الـدم ذايـب
« آخـــر الـــمـــشـــاركــــات »
العرض الشجري