يازمرة الطاغوت ياطاش ماطاش

[ضيف الله المسعودي]

السلام عليكم ورحمة الله وبركاته

هذه قصيدة في مسلسل طاش ماطاش ارجوا ان تنال على رضائكم


ياللي تسرتوا تحت خرقة الشاش
. . . . . . . ونفوسكم ضد الستر مستهيشـه


بعتوا الحياء والستر والعرض ببلاش
. . . . . . . فتحتوا لاهل الكفر باب ودريشــه


والله مايفلح على الدين غشاش
. . . . . . . حقدك قصير العمر ياللي تعيشه


لاتدعي بمعالج الوضع بكاش
. . . . . . . بكاش وعظام المنافق هشيشه


يازمرة الطاغوت ياطاش ماطاش
. . . . . . . اشوف كل ٍ نافخ اليوم ريشــــــه


الفكر علماني بلا شك وغباش
. . . . . . . لو طاش والله ماخفانا طشيشه


ماعاش قلب ٍ حارب الدين ماعاش
. . . . . . . لو عشت عمرك ماورى الذل عيشه


هذاك فاله مسك والا انت حشاش
. . . . . . . وش جاب ريح المسك عند الحشيشه


ذولا يبون الناس بالفسق تعتاش
. . . . . . . كل ٍ شهر ضد الهدى سيف طيشه


تكفى يابو متعب تراهم على ماش
. . . . . . . اهل الردى واهل العلوم الخديشه


اللي نشوفه ياملك يدمي الجاش
. . . . . . . وقف مسريتهم تراها غشيشـه


للاستماع

[مسلط الدعجاني]

بيض الله وجهك وصح لسانك لاهنت

[تركي المسعودي]

ماقصرت ويعطيك العافيه
وبيض الله وجهك وهو يستاهلون
وصح لسااااااااااانك على القصيده

[ضيف الله المسعودي]

اخوي مسلط الدعجاني

منور بمرورك

[ضيف الله المسعودي]

اخوي تركي المسعودي

اسعدني مرورك

[نبض المشاعر]

ابن عوجان

صح لسان شاعرهاا

واختيار موفق وطاش ماطاش ينحني منحنى خطرر جداً في المجتمع السعودي ومايعرض على الشاشة من كذب وتدليس للمرأءة السعودية بأنها غير محتمشة هذا ليس منهم بل من يقف خلفهم ...

لاحرمنا من جديدك يالغالي

دام عطــائك

التوقيع

دنيــــا ومــن يـــــدري كلــــ شــــئ يصـــير فيهــــا

[ضيف الله المسعودي]

لاهنت اخوي نبض المشاعر على المرور