ابن حميد يحتمي عانيه وهو ميت؟

[الحربي]

اخو حسنه اسم لايحتاج لتعريف فاسمه وحده يكفي ليبث الرعب في قلوب
الفريس وكل قبيله فيها حقها من رجالها ولانذم شيوخ القبايل الاخرى وفريسها
ولاكني سمعت سالفه وقالها واحد من خارج قبيلة حرب سمعها من احد المعاصرين لتلك الواقعه ...........................................ويليكم ماحدث وان كان احد منكم يعرف السالفه والم اوردها بشكل الصحيح فاتمنى منه التصحيح ولكم جزيل الشكر............................

يقال ان احد ابناء قبيلة حرب تخوا مع مجموعه من قبيله عتيبه وانهم وانه كثير ماكانو يتفاخرون بفريس قبيلتهم وفعولهم وعتيبه تستحق ذالك وكانو يقولون
وش فعولكم ياحرب ولاكن الرجل لم يكن يعرف الكثير فقال لاحد شياب عتيبه
الموجودين في المجلس تكفى يعم انا والله ماعرف شي لاكن ادخل على الله
انك تعد الصحيح فقال الشايب ياكثر مامر علينا من قبيلة حرب وبعض السوالف والله مقدر اعدها لاكن بقول سالفه كنت حاضر عليها وقال..........................

اجتمع فريس اعتيبه في احد الليالي وقررو ان يغزو على (اخوحسنه) وياخذون ابله وكان العدد كبير جداً وعندما اقتربو من ديار الفرم قال احد كبارهم هيه ياربع حنا غايرين على ابل الفرم والفرم ماهو مخلينا ناخذها بحبة خشم اقل شي
بيذبح نصنا والرجال منا يسو اباعر الفرم كلها وش رايكم قالو الراي رايك
قال اجل بنصلي وبعدها راي وافكار وبعد الصلاه قال الامام لااله الاالله
فقال كبيرهم اجل والله مانصلها عودنا ياربع

اما القصه الثانيه وهي قصه واقعيه ومعروفه

يقال ان احد ابناء قبيلة حرب كان يرعى ابله بقرب من ديار عتيبه فوجد قبر احد الحمده من شيوخ عتيبه وكان مزرب عليه بحصى ولاهو مدفون وكانت جمجمه الراس طالعه وقال الحربي هذا من شيوخ عتيبه والله اني ماخلي الهوى يطير براسه وقام وحلب وحده من نياقه في الجمجمه حتى يثقل عليها ولايطير بها الهوى وبعدها بليله غارو عليه عتبان واخذو ابله وقال هذا جزاي يقوله في نفسه وراح الجماعته وعلمهم بالقصه وقلوله هي مالها عاني وقال وهو يضحك وقالو علامك وعلمهم بقصة الحليب قالو هذي تفك اباعرك ورحو للحمده من عتيبه وردو الاباعر للحربي الله يازين سوالف الشيوخ ويازين سوايرهم

[لــيــل]

ونعم والله باخو حسنا وابو جلال......

تشهد له افعاله.

[ابن عاصم]

هلا وغلا
يامرحبا يامرحبا يامرحبا

يامرحبا يالحربي بين اخوانك

ونعم والله باخو حسنا (شرايد الفرسان) وحرب كلها.

[ابن مشيب]

الله يعطيك العافية يالحربي وهذي هي المشاركات التي تثلج الصدر وخصوصاً لاجت من واحد من شبابة ومرة اخرى بيض الله وجهك.

[المزاحمي]

وعندي له سوال عن الذويبي الحربي سمعت والله اعلم انه من عتيبه وارجوا 000 من الذيبه
اخبارنى بذلك 00وماقول غير هلا والله فيك يالحربي هلا والله في شبابه

[الحربي]

أشكركم جميعا على هذه الأخلاق التي ليست عليكم بغريبة.
بالنسبة للذوبة فهناك من يقول أنهم أبناء عم الذيابي العتيبي ولكن ليس هناك دليل قوي يدعم هذا لقول.
وأشكركم مرة أخرى..

[شبوان]

الله ياأرحم اموات المسلمين