انا لي ايام ما قابلت مرزوق((((اقرب يا مرزووووق))))

[أبو نجر النفيعي]

ارحب يا مرزوق
ولي الشرف باللعب معك
والاستفاده راجعه لي

واستلـ /

سلام ردّه على اللي شانهم فوق=ردّية(ن)من هجوسي جا جزلها
انا لي ايام ما قابلت مرزوق=اللي وصل للقمم واللي حملها

التوقيع

.....

[مرزوق حمدان العتيبي]

ماعليك زود
وحنا مستفيدين

	حييت يالشاعر اللي منت مطفوق = اتشيل صعب الحمول وتحتملها هات الخبر يامغن الطيب والذوق = والكلمه اللي طرت فالبال قلها

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أبو نجر النفيعي]

الله الله
صح السانك

الك البقا يالمحيي داخل السوق=الاّ انت راع المواقف يا جملها
انا يامرزوق جايب لك خبر روق=اللي يبون المعالي من رجلها

[يوسف السيحاني]

الله الله الله

صح لسانكم

والله حلوه أذا كانت بين أبو نجر النفيعي ومرزوق العتيبي


وأبشرو بصفوف


|165| |165| |165| |165|

يا ولـــــد يا ولـــــد

|165| |165| |165| |165|


|194| محاوره ممتازه |194|

[خالد اوصاهب]

ابو نجر صح لسانك ولسان مرزوق

مبدعين وحنا ننتظر المزيد من الابداع




وانا في الصفين

[مرزوق حمدان العتيبي]

	البيت كان الذرى من نصف مشقوق = مايستريح المسيّر لادخلها عطني وابا اسمعك خل الهرج برفوق = وان قلت كلمه خطا نطلب بدلها

[مرزوق حمدان العتيبي]

..
.

يوسف السيحاني
وخالد .

ارحبوا تشرفنا بحضوركم

...

.

[.@.صقر عتيبه.@.]

الله كملوو يالربع لاتوقفووووووووووووووووون



محاوره جزله من شاااعرين اجزل الله لايهينكم يابو نجر ويامرزوق

[أبو نجر النفيعي]

الله الله

عز الله انّك على هالعلم موثوق=والمشكله يا صحيبي لا رحلها
الرجل يا صاحبي رجّال مصفوق=يبغا يساويك مار انته فحلها

[أبو نجر النفيعي]

يوسف السيحاني
و
خالد اوصاهب
و
صقر عتيبه

وجودكم شرف لنا ونوماااس

ولاهنتو