وقعة كشب !!!!!

[متعب العضياني]

القصيده لابن مزيبد العضياني بعد كسر رجله
وابن مزيبد هذا هو اللي حصلتله القصه الشهيره مع الشيخ جهز بن شرار
عندما افتك اباعره من جهز
ولحقه هو وجماعته اربع شعار وقال للشيخ جهز نبا نقصد عشان ترد اباعرنا
قال مالك عندي الا هذا يقصد التراب
فقام ابن مزيبد وكان داهيه واخذ من التراب وقام يصره
وقاله جهز انت ويش تسوي قال ابا اروح لا مراء عتيبه اقول هذي عطيتي
من عند المطيري
فقال جهز غنو يالعتبان
فقصدو قصايد لا احفظها تهدد باستفزاع عتيبه بكاملها
فقال جهز يوم اخذت البل انت حاضر
قال والله الي افتكيته منك ياجهز انه ذودين من اذواد ربعي
وانا كنت على الفرس الفلانيه فعرفه جهز
وقال يوم افتكيتها مني شلفاي وذكر اسمها معي ولا لا
فقال العضياني لا ماهيب معك
وهي كانت معه ولكنه فطين وقال ليست معك
فقال جهز ادينا اباعر العتبان يامطير
والقصه سمعتها عن الطريق الشياب والرواه وابغى افردلها موضوع مستقل

وكسرت رجله في غزو على المطران غزوه اخرى

ولنا بقيه