|
يقول الجداعي صاطي الهم صايبهوحاله دنيفن كاثراتن مصايبه |
دق الحشا من نازح البعد هاجسنيران قلبي كلبوها سبايبه |
بين العرب لكن كني ا مجلىهمن رمابي في مهالك غياهبه |
يوم البرايا فالمهاجيع هاجعهجفني هموم البين قامت تلاعبه |
محاري همومن في ضميري كنيتهافيها من اشكال الروابع غرايبه |
وطيت الجمر بالرجل مااونست حرهمن ثقل همي مادريت بلواهبه |
وجريت في خاف الحشا ونة الجزعمن حرة فالكبد كثرت طلايبه |
هبت سمايم داعي الهم فالحشاعلى هلة المرزم وحامي لهايبه |
قلت آه من قلبن تسوقه هواجسهوايضا همومه بالحنايا تلاوبه |
قلبن شواه الوقت في صالي الغضامن فوق تنورن توقد قوالبه |
والكيد ماتعتاش بالزاد صايمهوالحال شف حالن من الصوم صاربه |
والجسم يشكي علتن باطنيهوالفكر شيطان الهواجيس راكبه |
اشيل حملن ماقوته الرواسيوازرت ردوم العيس ترفع مزاهبه |
شبيت نارالتتن في مظلم الدجاوالجسم نيرانه تغشلت ترايبه |
احرق من التنباك مااغظيت بالكرىسهيرن وعين الغير بالنوم طايبه |
عزي لعينن مثل عيني شقيهيهل ناظر جفنها من متاعبه |
الامن ضيقتن وسط الجنان امتهيمنهتشعب فوادي كالذلول المداربه |
من فوقها شغموم عجلن بطرقتهوعينه على سهيل اليماني تراقبه |
مختارها من نقوة العيس حايلمختارها من عيدهية مناجبه |
نجيبتن لادرهمت تكسر الحصىولاصابها خلجن ولاهيب حاسبه |
ماتهاب مضماتن تعاوى ذيابهاولاهيب لفجوج التخاتيخ هايبه |
مضمره منحوتة العنق ملحاكتوم الرغى فيها المحاقيب شايبه |
اليا اعتلى في كورها ثم سجهاويديه بخطام المطيه اتجاذبه |
في كفه الايمن قضيب البلنزاوابيض مصقل للجموع المحاربه |
ماله خوي ياكود صارم مصقلتبرق على القمرى رهايف جوانبه |
والا من اللي يشرب الدم حدهاعلى حدها ادمي المناعير رايبه |
شلفن كما شلفا ذياب بن غانممن قو مضربها الاطراف عايبه |
مسند لصاحبها على حزة القسىياطابها روس الهوام وعقاربه |
مسراه في غدرا من الليل مدلجيحد به سبع الغداري مخالبه |
ونيسه ابياتآ لحي(ن) ترحلواقول الخلاوي والتميمي لصاحبه |
حث النضاه مع الدياميم حثهاعن دار قوم بالمواجيب غايبه |
والعمر يمضي مادرى به الفتىلان الفتى يهوي علاه بشواهبه |
ولولاي ارد العين هلت اعبارهاسواجمن ذرف لها الخد شاربه |
ترعى نجومن تالي الليل قفنتسهر وهي تشكي عطايب ضرايبه |
اقول لها ياعين ماذا جرى لكهل هو فراق المغترب عن حبايبه |
ليا خذت دنياك ياعين غاليلابد ما تعطين غالن يعاضبه |
تقول مااصاب الجلاوي مصيبنيلوكان جرحي متقياتن معاطبه |
جلاوي(ن) قد ضانه الضيم والنياوقد شيبه هول الزمان وعجايبه |
والجفن قزعن الغضا كل مامضىجنح الدجا وارخىظ€لايم سحايبه |
عليه من كثر الهواجيسظ€لمهسواد ليلن ما تصفى شوايبه |
يفزع ليا منه سهج في منامهوليا بغى يرتاح لجت ثعالبه |
لك الله لوتعلم وتدري بعبرهما مثلها بشرق البحورومغاربه |
اكنها وصد عن نايد الورىوحارت بجفنن طاول الهم حواجبه |
اخاف لايدري هل الحقد والحسدويفرح بها من حط بالغي محاربه |
كوت نياط القلب والحيمادروابالله يا جاهل بها لا تعاتبه |
على معاليق الحشا فوح حرهامااظن تبرى من سببها معاطبه |
عينن تصدق واصدقت يوم حكتعين اكتمت غيضن فلاهي بكاذبه |
اصبر واخفف من رزايآ دهتهابهرج المواسى من حبيب لحبايبه |
واقول لها ياعين بالله هوديتبرق مناشيها وتسري ركايبه |
ياعين كب الحزن والسهروالشقاترى الحزن بحرآ غزيرن غبايبه |
ياعين ربك عنده الداء والدواويغفر ذنوب النفس لاجات تايبه |
رجواك ربن خالق الارض والسماعينن رجت ربي فلاجات خايبه |
باب الفرج ياعين لابد ينفتحولاجاك غير اللي لك الله كاتبه |
لابد مايفتح وتبرى اهزومكوياتي برادن من نسايم هبايبه |
الاواوجودي يارفيقن صميدعنجيب خالن مارضى هون صاحبه |
حريصن على كسبه من الجود والثنانيله من العليا شمامن مكاسبه |
شرواه حرن بالمراقيب معتليوليا ضرب ما تنتداوى مضاربه |
يضرب على الاريا برايآ يفلهاحليمن كريم مكرماتن مذاهبه |
عزمه يهد مشمرخاتن مسننهوكفه بدمان المناعير خاضبه |
وليا هرج كل الحكم في كلامهولايسمع امن الحكي ياكود صايبه |
تلقاه يومن القنا تقرع اختهاكم واحدن في حومة الحرب لاذبه |
صحيبن عطيبن يوم الاكوان فزعتييومن خطو الاش يغضي بحاجبه |
عريب جدن ينثني كانها احجمتخيل الطراد وداعي الموت طالبه |
نديمن ينادمني وابيح له السديعرف مواجيبي واقدر مواجبه |
افخر بخوتنا واماري به الملاولااخشى من الدنيا وماجات جات به |
مشحاة حالي ياحلاحيل صحبتهعلى يسير الوقت والامصاعبه |
ماهو بحدشن بارد الدماهلامهدلوه بناره ما يفارق زلايبه |
ولاهو بهلباجن رخمتن دلوبججبان ماكرم عن الذل شاربه |
هبيت ياوقت الملذات والخناكم من مهابيلن بعيشتك راغبه |
وقتن تفرس به قطاه وخمايسهوالصقر حول من مداهل مراقبه |
انهد بيتك ياعمي البصيرهحظيتك دنيا العنا دوم دايبه |
لابد من يوم شديدن حرورتهمن شدته صم الجلاميد ذايبه |
كم واحدن نفسه عن العيب تمنعهوكم واحدن نفسه على العيب طايبه |
وكم واحدن للجود يشري بمالهوكم واحدن بايع لجوده وجالبه |
قليل المروه لو ضحك له زمانينقص عقب زودن على الخلق زادبه |
ماضاع للاجواد ربي يعقلهوالا يعوضهم بديلن يناسبه |
وترى الفتى خيرن له السعي والسفريمشي مع الدنيا وتكثرتجاربه |
وترى نجيب الخال ينهاب جانبهوالاردي الخال منهان جانبه |
من حب ذاك الشي يمشي بطوعهومن لاحب ذاك الشي مانته بغاصبه |
ليا غصبت النوق ماذقت درهايخالف لبنها ماانتفع منه حالبه |
العرف لاهل العرف والجهل لاهلهويفيض بالوادي مسايل شعايبه |
والله يعز الناس والله مذلهموالله مزيل الملك والله واهبه |
مضى مامضى واللي مضى قضىعمرالفتى مسجل وتشهد كتايبه |
وسهم القدر ياصاح مايخطي الهدفانااشهدن اسهوم الاقدار صايبه |
من كبته دنياه باول شبابها ليا كبر لابد يشكي نوايبه |
خذ الكلام اللي يقوله مجربسنينن وقلبي درس الايام جال به |
انا الذي تمضي لياليه ساهروانا العليل اللي اكثارن مصاوبه |
كن بحشا قلبي سباعن تمشعهتعاوى لبعضها داخل الجوف قانبه |
تمرالسنين الماضيه قدم عينيوتنعاد شرطانن من الامس آيبه |
افل منها ماحوى الهم والاسىلكن حزني مااتركتني مقاضبه |
اقول خل العمر يمشي بكيفهوتسير في بحر الليالي قواربه |
ياعاذل القلب المشقى تريضارفق على قلب المشقى ونادبه |
فياعذول القلب لاتكثر الحكيسليت من همن على القلب شاعبه |
لانوم لاراحه لمن صابه الكدرعين السهير لغالي الدمع ساكبه |
ولاياندبمي هات من طيب النباشعرآ يزيل الهم عن قلب صاحبه |
تسليني الاشعار ياصاح حيثهاتلبي لضميان المعاني مطالبه |
يالضيغمي شرواك عزن الصاحبهورث الرجال اللي على العزقاضبه |
رحلنا من ديارالسعاده وحيهالديار همن ماتلاجى جنادبه |
تشوفني لاخبث الايام مسنيافرك ايديني واقاسي صعايبه |
فلاتلوم من حاله كلتها اهمومهاعظمن وجلدن قطع الهم عصايبه |
وكل مابغيت اشد رجلي واسجهاواحرر اقيودي ليا الرجل ناشبه |
وانا مافجع نفسي بوقتي وراعنيالازمانن غشني في جلايبه |
ساق الرجال اللي على الطيب سوقهاوخلى فدامن قد وطى الذل غاربه |
ياخوي كيف الناس تترك اسلومهاامسوا همل في خايع الارض سايبه |
اللي يعرفون المواجيب مقصدياللي ليا كلف بماجوب قام به |
وباقي دحوش الخلق تذلف وراهااللي على الهزعات دايم مواظبه |
عساها تجازى في عذابن من الجزاجمرن كما صم الصخرفي جذايبه |
والصقر لاصادت مخالبه صيدهماصادته يمناه للجو طاربه |
والشجرة اللي زاهيآ طلع غصنهافان هب ذعذاعن على الغصن مال به |
والصاحب اللي مايعدل رفيقهترى صاحبه في قاعة البيرساحبه |
ولاعندنا فالمال والعمر فانيالنفس يم القبر لابد ذاهبه |
وان كان دربك سهلتن مجرهدهترى عقب ذلك كاثراتن مناشبه |
والفكرلاكثرت علاه الطواريذهنك ليازادت طواريه طاش به |
الحيه ام جنيب مسموم نابهاانيابها في ضلعة الصيد خاشبه |
لكنها تخشى من الصقرمخلبهلاشافها بالعين واشهرمخالبه |
صبرنا على المكتوب في محكم القضاصبرالجمل لاشال حمله وساربه |
صبرت صبرن يعلم الله بحدهبساعات كربن شيبتني كرايبه |
بقو العزيمه واجبرالنفس تصبرعلى كرهها ياعل تفرج مكاربه |
وشربت العدود اللي تطافح احياضهااللي على سفحن سقاها شذايبه |
سقاها من الوسمي صدوقن من الحياعريض الخيال اللي يشادي كواكبه |
شربتها مارانها مااروت الظماوامسى فوادي يابساتن جنايبه |
ولو البحورالهوج تزي عروقهلتنشف وتلقى بسرة القلب شاحبه |
جتني غنوج الحسن بأبهى صورهاحوريتن من غض الانهاد كاعبه |
نوبن كما العذرا على درب غيهاونوبن مع النساك تنعد راهبه |
قلت ادخري جهدك ولاتنثرينهعارفك عرف الرجل لامه وشايبه |
تبى تغرين المجرب ..كذبتيياامباعده بالخير بالشر مقاربه |
لها قلت شيل الزمل يابنت وارحليدارك خراب ولالنا في خرايبه |
فلاغرني في زخرف العيش متعهمن شب بالعزه ترى العزعاش به |
اقول لها وين العرب وينظ€عنهمتقول الخبر دولاب الايام جاك به |
عاين يمين الضلع والا يسارهوتلقى هل الطولات تسكن زرايبه |
نفسي تحب العيش في مهمه السعهوتغثها اصوات المدينه الصاخبه |
ديار بدو(ن) علها غادق الحياليا قصدها الضيف تكثر مراحبه |
تهلي بمن جاها ولاتصك بابهاحجاجها يضحك ولاهي بغاضبه |
مالي بدار الحضر لارحم حيهمدارن على بيبانها البوم ناعبه |
فيها غراب البين يصلخ ويطبخويقول انا اللي ماتعدد مواهبه |
يوم الحضاري يزعم الطيب والنقايسب البدومن دون حقن يطالبه |
من ضعف عقل الهيس يبى المغازيوالخيل جربن والبعارين ثالبه |
قلت اتهبى ثم تهبى ثم تهبىالبدو ضلعن راسياتن جوانبه |
يلبس لباس الكفر ثم ايتمخطرويقول انا عصر التطورمواكبه |
بيدينه الثنتين ياكل ولاستحىيانعنبو عودن للاوطان جايبه |
لو تدري بفعل البدو يامهجنفي سالف عصورن من الوقت غابره |
كلن يسن السيف في لطمة العداوالبوش مذعورن جفل من معازبه |
وتدنى طويلاتن من الزان عرقهابيومن صعيبن فيه الارياق لاغبه |
ماعاش واحدهم بدنياه مترفونفسه بذل العيش ماهي براغبه |
يعمد على يمناه باللين والقساويفتك حقه يالهدان بمشاعبه |
وتعزويت لي في عزوتن روقيهعزوة رجالن تعطي الضد واجبه |
تعزوى بها جدي وابويه وربعييوم الخطرما فكروا في عواقبه |
علىظ€هوراللي اتل الاعنهخيل العروبه فاللوازيم زاهبه |
من لبس داوودن علاهم مشالحينحون جمعن للمعادين هاربه |
من ضربهم قلب المناعير منخرشليا صاح صياحن والاخريجاوبه |
من رامنا بالشر رمناه بالمثلوجمعن يعادي جمعنا وا عقايبه |
ياللي تخيط الجرح وتزيد فتقهعليك دارت من رحا الوقت نايبه |
تقول انا فرز الوغى حامي الحماوحماك طرش القوم ترعى مضاربه |
حصني مكر يدفن ليا شبع سورهوليا وجد له شي خمه ونار به |
تكيل بالصاعين ياتاجر الرديكيف الردى ياناس بالصاع كال به |
التاجراللي كاسبن في بضاعتهكسبه حرام المال فالبيع باربه |
دخلت في صف الجنازه تشيلهاوبالغش تجري الدمع من عين ناحبه |
قتلتها ثم تبدي الحزن والبكاوكفك بفعل الخيرماقط جادبه |
تكشف عيوب الناس والله سترهاومن يكشف المستورتكشف معايبه |
ظاهره يندى طيب لكن باطنهماليه سم الداب حتى مناكبه |
شرواي مايرضى حياتن تذلهلواعطرالشارب يدنس شواربه |
عقب رقينا العز عيبن نحوهونرضى طمانن عقب عالي رقايبه |
يضحك بي الجاهل بحالي ويزرىوكل هرجن اقشريعرفه بي قال به |
هذا جدا قطمان الايدي رخومهايهايط وذله داخل القلب سالبه |
عزي لمن كسب المراجل مناهمبوقتن على الاجواد شبت شبايبه |
عواصيف جورن تدفن الطيب بالردىوتقطع من رسومه شناكركلايبه |
يابوزيد عقب اليوم مابه معاركخلك على ذكرى حروب المغاربه |
رد السيوف لغمدها واعلن العزاثم قل لاخو وطفا يخلي حرايبه |
ولايشهرسيوفه سرور بن قايدولايرخي لركض المعادي سلاهبه |
وقل للخفاجي ناحي الترك يجلسبقصرالاخيضر ويتفقد مضاربه |
هذا زمانن يالهلالي يشيبقفل على فتخان الايدي لوالبه |
زمنا زمان الهرج والمرج واللغامايعجبك ماراسود الوجه عاجبه |
لا واهني الذي بات ليلهلو هو بقفرن ماسكنها قرايبه |
في صحصح الدولامجيبن لصرختهيرجع صداها من الشواهق يخاطبه |
داوية(ن) ماسيلها الا سرابهايشعق على الخد مثل صافي ذهايبه |
داله ولايتعب من الهم فكرهماكثرت ببحر العزاير نشايبه |
يخيل المزون اللي تليم بها السدىوثعل الرواعد مثل الاقذال ناصبه |
يرتاح باله لارأى المزن يصطفقوشاف الدلاه اللي عن الشمس حاجبه |
وقامت ذعاذيع الهبايب تسوقهوالا ومره الرب يدلي ذوايبه |
يمطرعلى احزومن لها سنين ممحلهجفت مراعيها ويبست عشايبه |
يذري علاها الهيف نارن توقدلاهب لاهبها ولع في حطايبه |
حميمن من الجوزا تدخن بكنتهشهب الغصون اللي شواها بلاهبه |
يركي علاها مايجهي اخيالهيحدر مع الشعبان صافي مساربه |
لونه كما داجي من الليل حالكهلت على الوديان دهما سحايبه |
لا كن رعد المرزمات ليا ارجفتقرع الطبول ليا استصكت حرايبه |
يفرح به الرعيان وايضا الرعيهوتلقى خضار الرعي غطى ترايبه |
وشوفه يسرالعين لا وقفت بهوالنفس تسعد مع روايح سوايبه |
وتشوف ذود البدو وارد وصادرترويظ€ماها من مصافي مشاربه |
دنياك ماتمشي على الكيف والمنىتزين لك فترات واحيان خاربه |
وكاس الفنى مشروب من كل حي(ن)لابد ماتركز بقبره نصايبه |
كتبت في ميتين بيت(ن) مواجعيسطرتها بالحبرمن كف كاتبه |
وصلاة ربي عد من حج واعتمرواعداد ما دار النجم مع كواكبه |
وصلاة ربي عد مايطلع الشجرسوى الكريم اللي جزالن وهايبه |
حي(ن) يدوم وغيرمولاي يفنىحتى ملايكته من الكاس شاربه |
فالموت ما رده قصورن مشيدهولايمنعه حصنن قويه مطانبه |
سنة عظيم الشان بالكون ماضيهالموت ياتي لاطرحنك مجاذبه |
فالعبد لابده تصيده منيتهلابد ما يرحل وتقفي مراكبه |
مااحدن سلم منها ولاحدن بيسلمعلى الذي مرسول للناس قاطبه |
صلاة(ن) وتسليمن على محمد الذيدينه اذل الكفر والشرك غالبه |
|
« آخـــر الـــمـــشـــاركــــات »
20-Aug-2006, 09:50 PM
العرض الشجري