قصيدة الرويس في ياسر التويجري

[ابـن نـعـيـس]

السلام عليكم ورحمه الله وبركاته

هذه قصيده للشاعر :

زايد الرويس

موجهها للشاعر ياسر التويجري

واتمنى ان تنال اعجابكم

في يوم سابع من شهر تسعه اركيت =حبر القلم فوق الورق واستهليّت
نظم القصيده بيت يمشي باثر بيت = من قدح راسي ما شريته من انسان
وسندت قيفاني لمن يبخص السوق = لاهوب متواني ولاهوب مطفـوق
شاعر وله فالشعر حكمه ومنطوق=متوشحٍ طيـب الرياجيـل نيشـان
ياسر وياسر وايلـيٍ معـرّب = سيـفٍ بصعبـات الليالـي مجـرّب
حرٍ على طلع الشواهق مدرّب=في واجبه ما يسمـع فـلان وفـلان
فزعتك ياياسر هي القصد والشف= يوم ان غيرك يوم ناديت لـه لـف
تطلقت كفه من الكف وانكـف= ولاعـاد بيّـن لـه طريقـه وعنـوان
جتك القصيده والقصيده جديـده = ولاجتـك بـدّل بالقصيـده قصيـده
ماجيت ادوّر للعلوم الزهيده = رفقتك تكفينـي مـن الانـس والجـان
انـا بليـت بعالـمٍ لـو تصلـي = الحقـد فيهـم بالنفـوس متمـلـي
وان جيت واحدهم يرحب / يهلي = وان رحت قال فلان له فعل شيطان
أوادمٍ تلبسـوا بالرذيلـه = تـشـوف واحـدهـم ينـفـض شليـلـه
رجال لكن بس عند الحليله = ومـا شفـت لحميـدان صولـه بميـدان
الحل وشهو فالرجال المطافيق = اللي تخـون ومـا تحفـظ المواثيـق
أشكالهم شكل العيال المطاليـق= وافعالهـم لاشفتهـا افعـال نسـوان
اللي بعيد الدم واللـي قريّـب =تقـول وشلونـك يجاوبـك / طيّـب
وتلقاه دايم في غيابك يعيّـب =بلـوى مـن الله مـا يداويـه حقـران
والا انت يا ياسر من الروح للروح = قلبك أشوفه كنه كتـاب مفتـوح
عسى فداك من العرب كل سلتوح=اللي سوالفهم مع الـزور بهتـان
جتك القصيده وانت يا ياسر استاذ =متمكـنٍ مـع الرياجيـل الافـذاذ
قصايدك تسبك مثل سبك فـولاذ = مكتوبـةٍ باحكـام وتصـاغ باتقـان
واسلم وسلّم لي على عيال وايل = أهل الخيول المسرجـات الاصايـل
وان كان ما جا رد فالشك زايل =لاناقـصٍ منـي ولا منـك نقصـان

التوقيع

[النافذ]

صح السانك يابن نعيس والسان الشاعر زايد الرويس

[ابـن نـعـيـس]

النافذ


صح بدنك


ومشكووور على تواصلك الدائم


تحياااااااااااااااااااااااااااااتي

[أبو عاصم أبوه]

صح لسانك يا ابن نعيس والسان الشاعر زايد الرويس
بس نبغى نشوف الرد على هذه القصيدة من الشاعر ياسر

[ذيب الشيباني]

يالكعاده اختيار موفق وجميل مثل ماعودتنا صح السانك يبن نعيس والسان الرويس تحياتي يبن العم

[فتى وادي الرشا]

صح السانك ياابن نعيس وصح السان الشاعر الرويس

ولاهنت على النقل وماقص رت

[عتيبي معاصر]

مشكور يااااااااااابن نعيس

وصح لسانك ولسان الشاعر لكن لقصيده ماهي

مــــــــــــوزونه

[ابـن نـعـيـس]

ابو عاصم


صح بدنك


وابشر ان شاء الله



مشكووور على مروووورك العذب



تحياااااااااااااااااااااااااااااااتي

[ابـن نـعـيـس]

ابن العم ذيب


صح بدنك


ومرووووورك نور الصفحه يالغالي



تحياااااااااااااااااااااااااااااااتي

[ابـن نـعـيـس]

فتى وادي الرشا


صح بدنك


ومشكوووور على مروووورك العطر



تحياااااااااااااااااااااااااااااتي