)$$(بسم الله الرحمــــــــــن الـــرحيم )$$(
هذي قصه عن شاعر من الشعراء كان يوم من الايــام وهو جالس بالبيت طرت عليه, قال أبا اروح اتمشى
وشغل سيارته وراح للســــــوق . المهم الرجال وصل للسوق وصفط سيارته بالمواقف ونزل يمشاء في السواق وجاء راعي جمس سوبرمان في عائله وصفط جمب سياره الشاعر ونزل سواق الجمس وترك الجمس شغال والنسوان فيه ,, خوينا الشاعر اخذ اللي اخذه من السوق وجاء طالع يوم اقبل على موتره
له يشوف الجمس واعجبه لونه لاهوب عنابي ولاهوب بسود اجبه الموتر القزاز مظلل مايدري هو فيه احد ولا مافيه قام يطالع وجه الموتر الا يوم جاز له وراح من ورى الموتر يتسمع لصوته ثم لصوته صافي المكينه جديده .,,, المهم خوينا قعد يقلب الموتر جاز له بالحيل واعجبه قال أبي اشوف القير هو عادي ولا في الدركسون ويوم قرب راسه من القزاز ثم له يشوف ازوال استحى وابعد عن القزازه والبنات اللي
بداخل السوبرمان ضحكن عليه ويبن يمازحنه كتبو البنات على ورقتآ معهم how are you وحطنها على
القزازه يبن يضحكن معه شوي لاكن هو رجال كبير بالسن ولاهو يم هالحاجات ابعد عن الموتر يوم شاف البنات وشاف كتـابتهن لاكن السوبر مان للحين يتخيل شكله يوم ابعد وقال هالابيات فيه ::
يــــاهيـه ياهل السوبــرمـــان المظـــلي = شكليــن لا بأسود ولا بأحمـــــر اللــــون
شكلـه غـريب ومــــوقفه مستقـــــــــــلي = متخيرينه مــــــن يجي نص مليـــــــــــون
عبـــارتين وكــامل الـــــوصف فــــــــــــلي = شـــــد الخـــــــواجه والكفرات بالـــــــون
متــــــــانته بالكاندس أيت مــــــــــــــللـي = أربع ميــــــه زايد أربــــــــع وخمســـــــون
قيـره ثلاث تــــــروس والرابـــع الــــــــلي= مفهوم قيــره في يميـــــــــن الدركســون
وقفت أطالع منظـــره جـــــايزآ لـــــــــــي = ضحكت فــــــــــي حال وبحـــــال مغبـــون
واثـر الظبـاء في داخلــــه ينظرن لـــــــي = انـا أتفــرج والعــــذارى يشــــــــــــــوفون
تباينو بكفـــوفهـــــــم وكتبـــــــن لـــــــــي = هـــوآريو هو ويـــش هو وش تقــــــــولون
وأقـــول ياسيد الظبــا ماحصـــــــــــــــلي = شهـــادتك عليـــــا وأنـــــا كتبــــــي أدون
ــــــــ وســـــــــــلامتــــــكم ـــــــــ
وهذي القصيده منقوله . للشاعر هايف النعيمي .........
وأعــــــــــذرونا على القطاعه والقصــــــــــــوررررررررر