اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
30-May-2006, 03:36 AM | رقم المشاركة : 21 | |||
|
الله لايهينك ياذيبان وعزالله تصرف سليم وان دل يدل على رجاحة تفكيرك وصواب رأيك .. وانا آسف
ان بدر مني خطأ وسبق اني اعتذرت مرتين ، وبالنسبه للأخ العضياني والله مدري عن اهدافه والا وش قصده انا جاريته فالرد من باب المزح ولا اقصد شي .. واعيد واكرر اعتذاري للأخ صنيتان قرداحي وانا والله ما ارضا على زعل عيال العم واشتري الزعل لو هو بالغالي وأخيراً ارجو المعذره من الكل وفعلاً لم اعلم عن اللي حدث او ماكان وراء النفوس .. وأولاً وأخيراً نبقا عيال عم واخوان .. وانا ابن لهذه القبيله وعصاكم اللي ما تعصاكم .. تقبلو فائق احترامي أخوكم / راعي البرصا |
|||
|
|
30-May-2006, 05:33 PM | رقم المشاركة : 22 | ||||
|
اقتباس:
مشكوراخي صنيتان على الطرح الرائع والمتميز |
||||
|
|
02-Jun-2006, 03:18 PM | رقم المشاركة : 23 | |||
|
حصل لي هذا الموقف
بسم الله الرحمن الرحيم
اخواني أعضاء هذا المنتدى الرائع صراحه جميع الاخوان اللي شاركوا ماقصروا في ردودهم وكفوا ووفوا وكانت ردودهم أكثر من شافيه مع الاختلافات البسيطه والتي توضع على الهامش مع احترام الجميع لوجهة نظر الطرف الاخر. أنا حبيت أشارك فقط بموقف قد يكون شبيه للموقف الذي سوف يحصل لاخوي صنيتان: قبل ثلاث أو اربع سنوات جاني أحد ابناء عمومتي واللي يكبرني بـ13 سنه وهو موظف مدني ويدرس منازل بمدرسه أهليه بالصف الثالث الثانوي وطلب مني أدخل امتحان مادة الانجليزي بداله وكان الكلام ذا بالصيف لان الأمتحان كان دور ثاني بحكم انه رسب بالدور الاول. المدرسة كانت بالقصيم واحنا بالرياض أنا طبعا وافقت من باب الحميه والفزعه لولد عمي ومشينا للقصيم قبل امتحانه بيوم ,جلسنا نفكر وشلون أدخل وهم متشددين وفيه بطاقه خاصه بالطلبه عليها صورته وطبعا مافيه شبه بيني وبينه والعمر يفرق بكثير وواضح الاختلاف الشاسع بيننا. بعد التفكير والتسطيح والمد والجزر قررنا اني ادخل الامتحان وتكون بطاقة الاحوال الشخصيه الخاصة فيه هي اللي معاي فقط لاغير . جينا الصباح واكتشفنا ان الامتحان بمجمع كبير لانهم جمعوا جميع طلاب المادة ذي بمكان واحد دخلت المجمع وهو وقف ينتظرني برا ودخلت أنا باللجنه وجلست في أول مقعد وكان الامتحان بساحة المدرسة والعدد كان كبير . المهم بدوا المشرفين في المرور على الطلاب والتأكد من هوياتهم وجاء دوري وجاني المشرف وطلب مني الاثبات وعطيته البطاقة(بطاقة ولد عمي)ناظر فيها وطول وهو ساكت ثم ناظر فيني وقال متأكد ان أنت فلان طبعا أنا جيته بثقه وقلت كيف ؟ قال ياخي منت بصاحب البطاقه شكلك يختلف كليا عن صاحب البطاقه المهم حطيت نفسي واثق وماقدر يمسك علي شيء من كلامي وراح الوقت واحنا بين أخذ ورد هو يقول مو انت وأنا اقول الا انا بعدما يأس راح وجاب مدير المجمع ومدير المراقبين وانا كنت جالس بالكرسي أحل وقعدوا يناظرون فيني ويدققون بالصوره وقالوا بعصبيه ياخي تضحك علينا مو انت صاحب الصوره قلت أنا بعصبيه وبنبره عتيبيه أنا صاحب البطاقه ياخي تغيرت ملامحي الزمن غيرها جلسنا نصف ساعه نفس الشيء أخذ ورد وانا أرد عليهم بعصبية وبنفس الوقت بثقه بعد كذا طلبوا مني اثبات اخر قلت ما عندي غير البطاقه ذي شيء بالنهايه قال المدير للمشرف ذا ما فيه أمل خلوه بس يختبر عن خويه (قال خويه لانه مايعرفني ولايدري اني ولد عمه وبنفس الوقت قال بينه وبين نفسه ذا عتيبي ماعليه من أحد ولو ضريته فهو يبي يضرني)وراحوا وتركوني أحل على رواقه لين انتهيت ومسكت الباب وطلعت النتائج بعدها بفتره وكان ولد عمي في مقدمة الناجحين. روحتي هناك ودخولي للامتحان ومخاطرتي كانت بسبب الحمية والفزعة لولد عمي و باقي له الان ترم أو ترمين ويتخرج من الجامعه . في النهايه ذكرت القصة ذي فقط دونما ادلاء برأي أو تعليق على مشاركة اخوي صنيتان لأن الفكرة والمقصد ابعد بكثير مما نفكر وكان هدف أخوي صنيتان أعمق بكثير من النظرة السطحية. تحياتي للجميع |
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|