lvedm

[ابن رايس]

بسم الله الرحمن الرحيم
ام الجمايل توفت كيف ابنساها
اقفت بها علةٍ ماني بفاهمها
فاذواد اهل نجد ماتلقى حلاياها
محولن خشمها هدلن براطمها
زينه ليا ناحرت زينٍ مقفاها
جردن سنادن تخيب من يزاعمها
وليا مشت يلفت الانظار ممشاها
تقول تجزع من الرقه قوايمها
تاخذ شهر فالثرى ماراح ماطاها
مبرومة فخذها فجٍ مقادمها
مقياظها نجد والصمان مشتاها
ياكم وكم ديرة ذبت خرايمها
منها قرا الضيف لامنه تنصاها
ماخمها الزول بحبالها يحزمها
خمسة رياجيل اصدرهم من اسياها
واروي ثلاثة عشر من در قادمها
عاشت كريمه وراع الونش ماجاها
وغيري من الناس ماجدد مياسمها
لاشك جاها زبونٍ ماتعداها
ارسل سبوره علاها لين حكمها
ودعتها يوم داع الموت نادها
ادموعها حولت ووحي ترزمها
تبكي وتشكي عليه عظم بلواها
وانا جداي اكظم العبره وازايمها
من عقبها الذود ماعاد نبغاها
حلفت فالسوق باول سوم ابصرمها

[فواز الشيباني]

الله يعطيك العافيه
ولاهنت ياغالي

[معاند الحظ]

بين الناقه وراعيها علاقة عشق مايعرفها الا اهلها
الله يعوض على الشاعر باطيب منها

[مؤمن]

مشكور اخوي ابن رايس على القصيدة



والله يعطيك العافية وبيض الله وجهك



ولك كل الحب والمودة

[نبض المشاعر]

صح لسانك وسلم بنانك

التوقيع

دنيــــا ومــن يـــــدري كلــــ شــــئ يصـــير فيهــــا

[ابن رايس]

بيض الله وجيهكم جميعاً على هذه الردود الجيدة وجعلكم دائماً في الوجود

ابن رايس البرقاوي