نجاح المساعيد & معمر القذافي !!!!

[ابـن نـعـيـس]

شاهد شاعرنا برنامج (( دانات )) الشعري والذي تقدمه نجاح المساعيد وكان الضيف معمرّ القذافي وقد بدأت نجاح المساعيد الحلقه بقصيدة مدح للضيف كان مطلعها عنوان هذه المشاركه ..



هذه متواضعه بعد إقتباس الشطر الاول من قصيدة نجاح المساعيد ..


الشاعر : لاسف ما اعرفه

( البقا لك يا زعيم الثـوره الليبيّـه )=يا المهيب المستهيب الوافي المستافـي
أبدعت بنت الحلال وصاغـت القافيّـه=وأبتسم حضرة جناب معمّـر القذافـي
سلهمت والعين فيها خلطـة ٍ سريّـه=بين رمش مستفيق وبين رمش ٍ غافي
يا ماشاء الله يا نجاح الساحه الشعبيّه=تمدحين وترزحين ولا عليـك إخلافـي
والقصيده لـو نقـول بيوتهـا قطيّـه=كثرّ الله خير قوم ٍ يبدعـون القافـي !
راسك المعصوب والدرّاعـه العاريّـه=هكذا ما تقتضيه المصلحه يـا كافـي
تجمعين من الخليـج العملـه النقديّـه=دوّري لك فـالمحيط الأطلسي صرافي
قدّمي ( دانات ) وأنتي فـالبحر حوريّه=وكل دانه من يدينـك لونهـا شفافـي
كبّروك وصـوّروك بمحـزم وجنبيّـه=وأستلمتي ورث أبونا والسنين عجافي
ما بقا الا تعتزيـن وتنطحيـن الهيّـه=كل بادي ليل رجلك تبـدي المشرافـي
لو ما حققتي جميع أحلامـك الورديّـه=الوكاد أنـك سنافيّـه وبنـت سنافـي
الله الله .. واحليـل الشاشـه الفضيّـه=ما بقا في عرضها شي ٍ علينا خافـي
يا معمرّ من يضيفك .. ضافته جنيّـه=والله أنك لا تضيف ونقص ماتنضافـي
لعنبو شعر ٍ تعرفه يـا زقيـم الحيّـه=الأديب اللي سواتـك منطقـه ينعافـي
من كبر راسك ما تلبس غتره وطاقيّـه=تنفض الشوشه وحظّك طيّب ومتعافـي
تحكم الشعب المعنّا بين شمس وفيّـه=وتحسب أنك فـالمواقف تحكم الميقافي
من ثلاث عقود حسب السيره الذاتيّـه=بارد ٍ وجهك ورابض فـالمراح الدافي
يا الله أنّـك لا تسجلّهـا عليّـه سيّـه=مير مدري كيف يحكم كاهن وعرّافي ؟
لا قضيتي من زعيـم الثـوره الليبيّـه=أستضيفي يا نجاح .. محمد الصحّافـي

التوقيع

[أبو مرحبا]

الاخ ابن نعيس

لاهنت طال عمرك على النقل

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[ابـن نـعـيـس]

قحص

ولا انت


مروووووورك نور الصفحه يالغالي


تحيااااااااااااااااااااااااااااتي

[احمد المقاطي]

ابن نعيس

اللة يعطيك العافية

لاهنت

[ابـن نـعـيـس]

احمد


الله يعافيك


مشكووور على مروووورك الرائع


تحياااااااااااااااااااااااااااااااااتي

[نواف2007]

من كبر راسك ما تلبس غتره وطاقيّه
تنفض الشوشه وحظّك طيّب ومتعافي


تسلم يمينك يابن نعيس

لك مني كل الود

[ابـن نـعـيـس]

نواف

الله يسلمك


مرووووورك نور الصفحه يالغالي


تحيااااااااااااااااااااااااااااااااااااتي

[مؤمن]

مشكور اخوي ابن نعيس على ايراد القصة والقصيدة



رجلاً يحرف في ايات كتاب الله سبحانه وتعالى نقصاً على الاسلام والمسلمين



ولك كل الحب والمودة

[نواف بن منصور]

يا ماشاء الله يا نجاح الساحه الشعبيّه.""""".تمدحين وترزحين ولا عليك إخلافـي
والقصيده لو نقـول بيوتهـا قطيّـه.""""".كثرّ الله خير قوم ٍ يبدعون القافـي
راسك المعصوب والدرّاعـه العاريّـه.""""".هكذا ما تقتضيه المصلحه يـا كافـي

صح لسانه


وبيض الله وجهك

الله يعطيك العافيه

[أبوطويرق]

شكراُ لك على هذا المقال (صلى الله عليه وسلّم ) (صلى الله عليه وسلّم ) (صلى الله عليه وسلّم )