اكثر الشعار ماعاد يعطينا وجه!!!

[صنيتان قرداحي]

انته تبا وانته تشاء والله تمضي شايته=وانا نويت اذبح دخيل البيت والوجه أسهجه
انته يجي منك وما الحية سوات المايته=واللقمة اللي وقتها طًوف تسمى مخمجه

[نايف الحميدي]

انته مهندس مير دوك القير قم بعنايته=شيك عليه اليوم ياصنيتان والزيت امزجه
لالا يقوله والسبايب كلها محايته=الي تصهرج طول وقته مايكب الصهرجه

التوقيع

[صنيتان قرداحي]

يشكي علي مني وانا مالد يم اشكايته=انا ارهج الماخوذ والماخوذ بطنه يرهجه
انا اتسلا فيك واللي فيك كل ٍ عارفٍ تسلايته=ابعجك واخيطك وعود للمخيط وبعجه

[نايف الحميدي]

الشاعر الصعلوك مايشعر وحان اغمايته=تلعبه الاوهام واحلامه حقيقه مزعجه
مايدري اني لابنيت البيت اعز ابنايته=المفلس الي راس ماله فالبلد بس دوجه

[نايف الحميدي]

هذا الحميدي لارمى محدن يجيد ارمايته=ياكم غزالٍ يعترض قدام وجه يطعجه
الجندي السلتوح ليته ينقطع سبلايته=يبغى ايتفركج مير يبطي مايشوف الفركجه

[صنيتان قرداحي]

الاخ القدير والشاعر العزيز نايف الحميدي

نكتفي بهذا القدر صح السانك

والله انك شاعر مافيك قصور وعزيز وغالي

اهم شي سامحنا وحنا ترى مسامحينك

والدعوى كلها مزوح تجي وتروح

ولازم نسمعها منك.

تحياااتي

[نايف الحميدي]

المشاركة الأصلية كتبت بواسطة صنيتان قرداحي

الاخ القدير والشاعر العزيز نايف الحميدي

نكتفي بهذا القدر صح السانك

والله انك شاعر مافيك قصور وعزيز وغالي

اهم شي سامحنا وحنا ترى مسامحينك

والدعوى كلها مزوح تجي وتروح

ولازم نسمعها منك.

تحياااتي

اخي صنيتان صح بدنك يالغالي


مشكور على اطرائك الجميل والدعوه كلها مزوح وانت الي لازم تسامحنا يبوقرداحي


تقبل تحيات اخوك نايف