حجاب ابن نحيت .وقصة الجيب الكزس .... - الهيـــــــــــــلا *** منتدى قبيلة عتيبة

نواف2007 · 03-May-2006, 03:34 PM

السلام عليكم

.

.

.

ياراكب اللـي وكالاتـه لهـا مـده
تقول زدنا حسب ما تطلب اعـداده

ما فيه سيارةٍ توصف علـى حـده
في قول مـن ورده وبقـول رواده

عن غيره نفوس ناس اكثار منسده
بعد تسيّد وصـار لأسمـه اسيـاده

خلوني اوصّفه لارحـم ابـو جـده
واقلده من قلايـد شعـري اقـلاده

ليا نطحنـي وتمثالـه علـى خـده
اقول ما ناقـص الا تركبـه غـاده

ماهو على شان قلبي ينفضح سـده
والا على شان احب (الكزس )زياده

ابي يقولون هذا الجيب مـن قـده
كأن جـواه صايـر مركـز قيـاده

مالومه العسكري لوهو رفـع يـده
يحيي اللـي عليـه بثروتـه قـاده

ليا مشى بالطريـق مجهـز العـده
واللي يسوقه متكي له على وسـاده

ما كنه الا صقر نايـف ليـا هـده
ومكيفـه مركـزي تقـول بـراده

ليا تلامع وشمس القيـض مشتـده
سيفٍ تلامع عقب جرّد من اغمـاده

وليا مشى بالنفـود وسايقـه حـده
يمشي عليها كأنـه فـوق سجـاده

ما عده الا زعيم العصـر واعـده
مركب رجالٍ لهم صار الولع عـاده

قبل امس شفنا اخوه محرك ا ل جده
عليه شيخٍ يحب الشعـب والقـاده

حجـاب فوقـه كأنـه كاسـبٍ وده
ما غير عينه تناظر صوب عـداده

ما حركه لجل يكسـب فيـه ويكـده
محركه لجل علـمٍ تعـرف ابعـاده

ناخينه رجال حلـت فيهـم الشـده
ما جوله الا بعد ما سمعوا امجـاده

يبون جاهه قبل مالـه وهـو مـده
في ليلةٍ كنهـا مـن ليلـة اعيـاده

عز الله أنه ما فيه احد وقف ضـده
كلن يصفق لبو ناصر كمـا العـاده

يستاهل المدح لو هالمدح مايسـده
ليت القصيد أن نخيته يقدح زنـاده

والله لحـط الجواهـر كلهـا بيـده
واقول تستاهل اللي قلـت و زيـاده

.

.

حجاب هو:

الشيخ / حجاب ابن عبدالله ابن نحيت

الشاعر ... غالب الظاهري