كلنا حراس !!!!

[ابـن نـعـيـس]

وش يبا الارهاب منا يا ترا=وش يبا الارهاب منا وش يريد
نحتكم للشرع ونعين فقرا=وعن كتاب الله وهديه ما نحيد
وش علام الناس ترجع للورا=بالعقول اللي تضرّ ولا تفيد
يقتلون اطفال من باب البرا=ويزهقون ارواحهم باسم الشهيد
ما بقي بالكون شيٍ ما درا=عن خطاهم غير عقلك يالبليد
كلنا للدين والشرع نصَرا=ومن خطا المخطين لازم نستفيد
يُبحث الموضوع والناس شوَرا=ونحتكم للشرع والراي الرشيد
لا قتال ولا لدمٍ يهدرا=وش دهانا كلنا عضد وعضيد
كلنا دون الوطن درع وذرا=ما تزعزعنا الزوابع والجليد
لكنا حراس جندي ووزرا=خندقٍ واحد وقلبٍ من حديد
للبنا .. لا للتصحّر والعرا=للتسامح ..حيث نبدأ من جديد

التوقيع