خمسة عشر فنجال لحنيف صبيت……اكيـد مشهوره

[ابن نجد]

وهذه الردية كاملة احببت ان ادرجها كاملة بين :

الشاعر حنيف بن سعيدان
الشاعر ناصر العبدالكريم

قال : ناصر

خمسة عشر فنجال لحنيف صبيت
لو ان بطنه قربة قد ملاها

قال : حنيف

لاتحسب اني من دلالك تقهويت
ماينقه الشراب من كثر ماها


قال : عبد الكريم

يا حنيف انا في حمستي ما تدنيت
الدله الصفرى نكثر مناها



قال : حنيف

وراك ما سويتها يوم سويت
مثل العميم اللي يزين سواها

ناصر ليا مني على البيت سجيت
يرخص حلاله ماحسب مشتراها

وابن عقيل اللي يهلي ليا جيت
مشرع البيبان للي نصاها



قال : عبدالكريم

سبيتها يوم انت للضلع لزيت
ضيافتك يا حنيف هذا جزاها

ودلال ربعك يوم بالزين ماريت
هم ربعنا طوال طوال خطاها


قال : حنيف

مانيتي ذمت هل الجود والصيت
الملعبة حنا نقوم سناها

ياموصي الحرمه على صكت البيت
تقول ماهو فيه وانته وراها

علم الردى يظهر ولو به تهقويت
علم وكاد ويشهدون اقصراها

ياخيبة امك يوم قالت تمنيت
ياخيبت امك ياقطيعة رجاها


وشكرا على تواصلكم

اخوكم ابن نجد