الأخوه الكرام إليكم هذه المراسله التي حدثت بين شاعرين
كـبـيــريــن مـعــروفــيــن عـــنــــد الـجــمــيــع وهـــــــم
الــشــاعـــر /ســـعــــد بـــــــن جــــــــدلان الأكــلـــبـــي
والــشــاعــر /مــحــمـــد بـــــــن فـــــــراج الـسـبـيــعــي
أرجــو ان اكــون قــد وفـقـت فـــي الإخـتـيـار المـنـاسـب
يالله يـالـمـطـلـوب رب الـعـبــيــدي=سـامـع دبـيـب النـمـل باللـيـل لظـلـم
يـاخـالـق الـدنـيـا وهـــو الـوحـيـدي=رافع سفينـة نـوح مـن المـاء ليـا زم
تجبـر صـواب اللـي عذابـه شديـدي=قـامـت علـيـه اهـمـوم بـالـه تـراكـم
الله مـــن قـلــب اهـمـومـه تـزيــدي=مابيـن ليـل ويـوم خمسـة عشـر هـم
مـشـاكـل مـنـهـا يـــذوب الـحـديـدي=قـامــت عـلـيـه بالهـواجـيـس تـلـتــم
سـر يانديبـي فـوق جـمـس جـديـدي=اليـا مشـى ليـهـو يـخـم الـوطـا خــم
ويقـرب الـلـي مــن ديــاره بعـيـدي=مـعـه ارسـالـه لـبـن جـــدلان سـلــم
تـلـقــا لـيـاجـيـتـه كـــــلام يـفــيــدي=والـيــا نـصـاهــم واحــــد مـاتـنــدم
قــلــه بــوقــت مــنــه مانسـتـفـيـدي=وقـــت عـلـيـنـا بالـغـرابـيـل خــيــم
وقـت نبـي نرضيـه وهــوه عنـيـدي=قـــام ايتـحـدانـا بـشـبـرات الأسـهــم
وختامـهـا ذكــر الكـريـم الحـمـيـدي=وصلاة ربـي عـد مـن حـج وأحـرم
ياراكـب اللـي مـن لــزاول يحـيـدي=فـج اعضـوده كنـه الـذيـب الأسـحـم
كـن المواطـي منـه نـبـت الزبـيـدي=وكـن الرقيعـي فـوق خشمـه ازميـم
ماعلفـو لــه مــن ولـيـف الجـريـدي=مايـرتـع الا بـيــن نـجــران ودهـــم
ولا شـــــراري شـــــلال سـنــيــدي=ومـعـرب مجـنـاه مــن لـبــو لـــلأم
مـاسـيـرو بـــه بالـمـجـره امـعـيـدي=ولاداج مـن بيـن الزرايـب ايـضـرم
ملـفـاك أبــو فــراج قــرم سـديــدي=معـرب سـاسـه مــن الـخـال والـعـم
تلـقـاه فــي بـيــت رفـيــع مـشـيـدي=لاجـيـت ابــو فــراج نـــوخ وسـلــم
تـلـقــا دلال بـالـحـبـش والـعـويــدي=والزعفـران اللـي يضمـه لهـا ضــم
وأن قـام يذبـح لـك اخيـار الهريـدي=وأن قال عجل بالخبـر قـول لـه سـم
قـل قـال ابـن جـدلان هـرج عديـدي=اسـمــع وخـلــك للـسـوالـف تــولــم
يـازوع قلبـي زوع طـيـر الهـويـدي=يـوم أنطلـق مـن يــده والـجـو غـيـم
بغـيـت اهـيــد ولاقـبـلـت المـهـيـدي=والجـفـن عـيـا فــي منـامـه ايسلـهـم
جـانـي جــواب مـرسـل بالـبـريـدي=يامـرحـبـا بـالـهـرج والـلــي تـكـلـم
راعيـه يـونـس بالضمـايـر غـديـدي=والـيـا بـنــا بـيــت الـمـثـل ماتـلـهـم
نـكـد عـلـى قلـبـي وقـلـبـي نـكـيـدي=هـــرج لـفـانـي لاحـــلاوه ولاســــم
يشكي علي من حب ضبي الفريـدي=الـلـي نهـيـده فالـحـشـا تـــو مـــازم
وابلشتـنـي بالـمـدح يـابـو رصـيـدي=والله يـعــز الـلــي علـيـهـا مــعــزم
تراني اعرف مقسمي مـع عضيـدي=وافرق شراب الملح من مي زمـزم
وان كان قصدك بس ترسل قصيدي=فالـوضـع عـنـدي يامـحـمـد مـلايــم
وان كان تطلب زود هل من مزيدي=تـعـال خــذ لخـبـار مــن فــم لافـــم
وختامـهـا ذكــر الكـريـم الحـمـيـدي=اعـــداد نـسـنـاس الـهــوى لاتـنـسـم
« آخـــر الـــمـــشـــاركــــات »
30-Jan-2006, 02:57 AM
مساجله لشاعر ابن جدلان
العرض العادي
