مشاركتي الأولى

[فلآن العتيبي]

بسم الله الرحمن الرحيم





الليل يا ساهر الليل غدار

لا تامن اوقاته ولا بعد ساعاته

يا كم جريحن ون تاليه منهار

ما ذاق طعم النوم ولا لذة مباته

يجيه العنا والضيق والهم زوار

ويسجله موضوع فأغلب سجلاته

ويرسم مساراته على شبة النار

ما يدري ان الهنا خالف مساراته

حياتنا على الآمال ونعيش ونحتار

والصبر علاج القلب وإلتهاباته

لو الحياة تدوم للشخص مشوار

ما كان نحصد للقبر صالحاته

نصوم ونصلي ونومن بالأقدار

واللي يبا الجنه لا يهمل صلاته

دنيانا ترى هي أصعب إختبآر

يسجل بها الناجح أعظم نجاحاته

ولا الردي والغبي ومدور العار

مدري وش اللي يحصده من حياته

الدين فطره ومحارب الدين فالنار

والرفعه للي مخلصن في عباداته

درب الهدى كله شعاع وأنوار

ودرب الغواية مظلماتٍ مسافاته

جاتك علومي واحفظ العلم واختار

وعسى قصيدي تفصل العلم أبياته

.

وسلامتكم