من فيكم اللّي مايعرف مناحي؟

[كبتن عتيبه]

مساكم الله بالخير ياعيال العم..واسمعووااا

سلام ردّيه شذاها فاحي=والشعر برقه في خياله لاحي
من فيكم اللي مايعرف مناحي؟=ولا ضاع حق ً من وراه مطالب

نبي لنا شاعر يغلّق فالطلب=صدري من البارح يغيض ويمتلي
والشاعر اللي تعرفه كل العرب=كل العرب ترمي له السان الطلي

التوقيع

قالو ياكبتن من مكبتنك ومن أنت؟=قلت العفو..بالرّبع ماهي غريبه!! ماهو بأنا..اللّي ياجماعه تكبتنت=لا بِالله اللّي كبتنتي..عتيبه!!

[نايف الحميدي]

اليا حضرنا ساعه ايطيع الصعب= سوق الغلى ياصاحبي دايم غلي
حنا نعرف الروس ونعرف الذنب=ابشر بعد بلسان والمخرج ملي

التوقيع

[بن دريميح]

بدايه جيده
واصلووووا
تحياتي

[كبتن عتيبه]

ياللي هبطت السوق دوّرللذهب=سوق الذهب ماله شكل ماله حلي
وان كان هم كثروا قليلين الأدب=ياجعلهم لا أهلْك ولا هم من هلي

[علي الثبيتي]

صح لسان مناحي وصح لسان الحميدي
وانا بصفك يا كابتن

[كبتن عتيبه]

حياك الله يابن دريميح

النشمي لا هنت على المرور ..وقوفك في صفي شرررف

تسلم لي

[نايف الحميدي]

حنا نبيع ونشتري حسب الطلب= اجنيه سد اجنيه والمخبا ملي
ربعي وربعك من رياجيل الحسب= اعرف وش الك اليوم واعرف وش الي

[كبتن عتيبه]

تدري من اللي قال حامض ياعنب=الي تنوش له وجاك محوّلي
النار تالع يالعتيبي فالحطب=ياكبرها قمت تشب وتصطلي

[مشاري الروقي]

صحت ألسنتكم ياكبتن مناحي ونايف الحميدي هكذا الأبداع ونحن متابعين
أخوكم / مشاري الروقي

[الايداء1]

التوقيع