قافه جديده (ائر )محاورة القارحي والخالدي فلة ابن الحرام اللي بعضها ستائر

[االخالدي]

[فهد سعد الحشيبري]

الله يعطيك العافية
صوت جميل وقاف رائع

[مجري الهياب]

من قال قافيه جديده ؟؟


العماير / الدواير / الستاير / .............. الخ


كلها مطروقه من قديم الوقت و قافيه عاديه جداً ؟؟

[االخالدي]

جيبلي قافيه زيها

[وصل الشهيب]

الحمدلله رب العالمين

هذه قافيه قديمه مستهلكه أكل عليها الدهر وشرب

الكباير جاير ناير ذاير تخاير مناير بشاير زاير نحاير عماير تهاير شاير سراير غاير ظفاير مراير

وباقي على هالقافيه الى بكره

ونعم بالشاعرين كلهم زملائنا . ومحاورتهم هذه أقل من متوسطه

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

[راشد النفيعي]

المشاركة الأصلية كتبت بواسطة وصل الشهيب

الحمدلله رب العالمين

هذه قافيه قديمه مستهلكه أكل عليها الدهر وشرب

الكباير جاير ناير ذاير تخاير مناير بشاير زاير نحاير عماير تهاير شاير سراير غاير ظفاير مراير

وباقي على هالقافيه الى بكره

ونعم بالشاعرين كلهم زملائنا . ومحاورتهم هذه أقل من متوسطه

يعطيك العافيه ي وصل كلام سليم

[وصل الشهيب]

الله يرحم اللي يقول

يازهرة الوادي سقاك الوادي=على زهور الورد عقلي طاير
ياعنز ريمٍ ن مرتعه ببلادي=الى سمع حس الطيور ايذاير
يامسك ياعنبر ياعطر الكادي=يااجمل هديه من يدين الزاير

عبدالله المسعودي


والله يذكره بالخير اللي قلت له أنا

جيت للتهم نازل من جبال المصيف=والتهم حر والطايف جباله زبينه
ماعليه لو ان الدرب درباً كليف=مثل ماقيل لجل العين تكرم مدينه

قال

جيت منته ضعيف ولاانت ناصي ضعيف=لك زميلاً يزين الليل بينك وبينه
واحداً ماضحك لك مير قلبه نظيف=خير من واحداً يضحك ودافن دفينه

عبدالله المطرفي .ترك المحاوره واعتزلها وأنا كذالك شبه معتزل

بعد ماراحوا أساتذتنا وزملائنا اللي كنا ناخذ ونعطي معهم

محمد بن تويم وخلف الله بن جبير ومطلق وصياف وهلال السيالي وفيصل الرياحي

رحمهم الله جميعاً

وخلف الحساني وجارالله السواط وعوض الله السلمي ومستور العصيمي ورشيد الزلامي .الله يمدهم بالصحه والعافيه

هذاك وقت النقض والفتل والمحاورات

وهذا وقت الحان الطرب والمهاترات

وكل تلعه قالت . أنا وادي هههههه

وسامحوني على صراحتي

آخر تعديل وصل الشهيب يوم 05-Oct-2012 في 11:54 AM.

[راشد النفيعي]

اخوي وصل . اعرف لك ولد شباب لكنه شاعر بكل ماتعنيه الكلمه بعدين ماشاء الله عليه مايتذكرها

ردوده جاهز . جوه ناس كثيرين يطلبونه ينزل الملاعب ورفض وتوجهوا عليه عدة مرات بشرواك من

الرياجيل وبرضه رفض بعدين سألوه انت خايف من الشعار . قال اقسم لكم بالله انهم ان بغوا علوم الرجال

انها عندي مثل الجبال وان بغوا الي من جنبها انها عندي مثل البحار . قالوا طيب ليش ماتنزل الملاعب.

قال والله ان مارادني لا انزل الملاعب الا حاجه وحده . قالوا وشهي .. قال السبب ان الشاعر اليا جاب

القباحه والملوخه صاح الجمهور وتبسم واذا جاب الشاعر الثمره عبست وجيه الرياجيل وخلوا حفل الرجال

ومشوا

[وصل الشهيب]

هلا وغلا أخوي راشد

أشهد بالله إنه صادق

كل شيء تغير

المعاني مكشوفه والسب والشتم هو المطلوب وقليل الأدب هو الناجح

الشعر غير الشعر الأول والشعراء غير الشعراء الأولين والجمهور غير الجمهور الأول

والشباب غير الشباب الأول . كل واحد مكندس براسه على البلاك بيري ماهوب يم الشعر

ولا يم الشعراء . متضايق من ثوبه اللي على ظهره . أبطى عليه متى ياصل البيت ويفسخه

ويلبس جنز هههههههههه

تحياتي

[سعيد مرزوق العبد]

شباب هالوقت شبابن فاسد لايحشم ولا يفتهم

تربية خدامات وكلهم رضاعه صناعيه لاغيره ولا صلة رحم

منين تجيهم المراجل والا خلاق