نصيحه بعنوان أرفق بحالك

[طالب الروقي العتيبي]

المشاركة الأصلية كتبت بواسطة حمود العازمي

ترفق بحالك

ترفق يافتى وأرفق بحالك وأزهم الشجعان
وأخذ شور النشاما لاتجيب العيد يابن العود
تقول أنك لقيت اللي تموت بلذة الحنان
تسندبك وتنزلبك وتاخذ مخرج المحدود
ترى بنت الدلع تبغى رومنسيه على المجان
عشان تلبي المطلوب وتحقق لها المقصود
على هونك تركد وأترك اللي يزعجك يافلان
ولايلحقك في بعض المجال الحق والمنقود
أخذ نصيحة الروقي سلايل طنخة العتبان
ولد عاصي ليا جات اللوازم باللقاء موجود
ولا يلحق قبايل مملكتنا ياولد نقصان
لكن علوم ضد علوم وأفهم ويش قال حمود
بنات اليوم تلبس جينز والشفه عدد ألوان
كعب عالي ورمش العين الأسود من كحل محمود
لثام وبرقع وحده على الشفه من الأسنان
وطرحه كنها بشت الوزير من القصر مطرود
ليا فلت شعرها تحسبنه يستر الأمتان
سنون المشط واضح فيه كنه من شهر مكدود
رموش عيونها مثل المضله داخل البنيان
كفوف يدينها لو صافحتني ناعمه وبزود
بياض نهودها كنه سحابه سيلها ودان
شفايف تجذب العشاق وعيون الدلع وخدود
تبين صدرها كنه بروق الصيف لامن حان
لها حجان طبعة مرسمه بزياده ومسرود
لها نضرات عين تقول سيف الفارس الشامان
فخوذ مربربه تمشي تقول مقيده بقيود
لها ضحكه تقول الضحكه اللي مالها نسيان
تدلع بالرموش وكن قلبي يمها مسنود
ليا ناظرت تحت الركبه الله ماجمل السيقان
وباقي جسمها مثل الغزال الشارد المقرود
لياقربت منها ريحة العطر كما البستان
ولا بعدت عنها كن جاي من الخطأ مردود
صراحه شفت فيها من عذاريب العرب ثمان
بنات اليوم يالله لو تفيق الذاكره وتعود
تسوي نفسها عنتر ولا عنتر وأبن عدوان
تقوم الضهر لأن الليل تسهر والعباد رقود
تقول أوكيه يعني كلمة أهل الغرب نطق لسان
وحنا وش لنا بأوكيه ولاقيل فري قود
وتشرب نكهة الهاوس وتشرب بايسن التعبان
لياركبت مع السايق تبي محطة الوقود
تدخن من دفيدوف وتوصيبه من الدكان
كعب عالي مقاس صغير والجسم بعد مشدود
وركبت بانوراما غير من ركبت على النيسان
تشجع شلة التفحيط بالنادي يصير حشود
تشغل عندها سواق كنه من حدى الأخوان
وخدامه تنضف بيتها وتربي المولود
تكلم غير محرمها وهذا قلة الأديان
ماتاكل غير من مطعم ولو أنه يعل كبود
تسوق كل يوم ولا لقت من ذالتسوق فود
تعشق أهل النعومه عيبهم بالمجتمع مليان
وتلبس لبس مايرضاه لاحامد ولا محمود
ثمان وفوقها نصف الثمان ولاني بغلطان
حسب ماشافت عيوني وكل خيال فيه رعود
ماهو كل البنات وبعضهن يسوى بلد وأوطان
بنات المرجله نفرش لهن في كل وقت ورود
ألا ياشيب راسي من يلوم اللي يجيه جنان
ترى قلبي غشاه الحب لاجاحد ولا مجحود
عسى الله يلعن الشيطان كله رغبة الشيطان
ماندري من يصاب من القدر وسط اللحد ممدود
حياتك يالفقير أخير من تايه وهو شبعان
تمسك في مواثيق الصلاه وربك المعبود
ترى ماهو عشان قلوب تقسي لأجلها شفقان
علي الله شهد من قبل خلقه بالوكاد شهود
من يحسب الهروج الكايده في منهجه نقصان
يضده من عزومه قام فيها مرشد ومرشود
ألا ياللي بنيت البيت ماله قاعده وأركان
تأكد من طريقك لاتعود والسبب مسدود
لكن الله لطف حال البنات اللي لهن عنوان
وباقي بعضهم نبغى دعاوينا سهود مهود


الشاعر حمود عبيد العازمي

صح لسااااااااااااااااااااانك

[حمود العازمي]

المشاركة الأصلية كتبت بواسطة طالب الروقي العتيبي

صح لسااااااااااااااااااااانك

طالب الروقي العتيبي صح بدنك وتحياتي لك