نايف آمان الأوطان [ مرثيه في الأمير : نايف بن عبدالعزيز ]

[سعد المسـعودي]

مرثيه .. بمقام مشاعر مواطن لاشعر شاعر ،،
في فقد رجل الأمن الأول ،، وأسد الأمة الإسلاميه ،،

صاحب السمو الملكي الأمير : نايف بن عبدالعزيز رحمه الله رحمة ٍ واسعه ،،

رابط القصيدة بجريدة الرياض :
الجمعه 16 شعبان 1433 هـ

http://www.alriyadh.com/2012/07/06/article749596.html

العلم يوم السبت سته وعشرين = أكد خبر ماثوق مصدر وعنوان
سلم وقال الله وديع ٍ خذا دين = نايف ولي العهد .. قفا بليهان
ومن فاير دموعي بكت له ملايين = هميل وجدٍ فوق الأوجان هتان
وطاحت على خد الشقاء دمعة العين = وأجتاحت العبره مقاديرالأحزان
العمر ماعمّر وعشناه عمرين = أما رحيله صبح ولاّ مسيان
الله اكبر صدمتي بالعزيزين = أحرق بقايا فالزمن كل ماكان
اقسى خبر يطعن خفوقي بسكين = مع نكسها يوم أشذبت عرق شريان
وضاق الفضاء واقول وش عاد بعدين = ماتنفع السلوه ولاضيق الأكوان
تموت به روح ٍ حيت به على الحين = حاضر وجوده ماغرب وسط الأعيان
ريف ٍ تحت كمه تعيش المساكين = تلقا مروفتها بعد جور الأزمان
وكم عاش في ظله شعوب وسلاطين = سكينة ٍ تظفي على كل الأوطان
الله يقوي من رفع راية الدين = وعال ٍ بصوته في مساميع الأذهان
مادام زين الوقت لوزان لك شين = ورمح الزمن مسنون والموت ديان
الموت أخذ ناس ٍ على القلب غالين = والموت حق وكلنا اليوم ضيفان
وين الرسل وأصحابهم واهلنا وين ؟ = دنيا الفناء واللي على وجهها فان
أحياء نموت ونخلق أحياء وماشين = سنة ولي العرش في كل الأحيان
بجاه من جوله حجيجه ملبين = تجعل لنا بجنة الخلد مسكان
يالله عسى نايف مفازه بعلّين = ويعرض مع اللي سلموهم بالإيمان
مرحوم يامن مات .. رأس الميامين = هذا قدر مكتوب وأجال الإنسان
ياحــــر نار الوقت في فقد الأثنين=نايف وأخونايف فقدناه سلطان
ويبقى الخلف نسل السلف رووس حيين = برأس أبومتعب والبقاء برأس سلمان
والختم قولوا كلكم قولوا أمين = يالله ترحم نايف أمان الأوطان

أخوكم : الحرالأشقر

التوقيع

[أبن حشيان]

الحر الاشقر / سعد المسعودي



صح لسانك وعلاء شانك والمرثية الله يرحم صاحبها وكما عودتنا على مثل هذا المواضيع فانت دايم سباق للخير والعلم الطيب


ولايستغرب من الاخ سعد المسعودي البادرات الجزله مثا ذالك



فصح لسانك مدد بلاء عدد

[حمود بن خيشوم العصيمي]

الحر الاشقر

صح لسانك وعلا شأنك

الله يرحم الامير نايف يستاهل الرثاء فقيد الوطن

عودتنا دائما على الابداع لاهنت

تحيتي

[عايض جزاء العصيمي]

صح لسانك يالحر الاشقر والله يرحم الامير نائف رحمة واسعه

[راعي القوافي]

صح لسانك على ما اوردت هنا ياسعد