أخوي العنيد :
نشكرك على هذا النقل والأكثر من رائع عن صورة الملك فهد التي ظهرت على أحد الصخور كما ذكرت ." وسبحان من صورها "
وأنا اتصل بي ولد عمك " أبو محيسن " وقالي : إنه راح وشاف الصوره على حقيقتها وأرسلها الي بالجوال .
ثم قلت أباك بكره تخاويني وقال : ابشر بسعدك يالعتيبي . والله وأمر الرجال ونتل الموتر يوم الخميس اللي فات 22/11 " بعد مارحت أنت "
وندخل مع البهيته ونستلم الدرب وأمش ولا تمشي ..... وامش ولاتمشي . ومع المبرّش اللي كله مطناااج المهم وصلنا ولقانا أمة محمد متجمعين يطالعون في الصوره واللي يدربل واللي يصور والله ونطالع في الصوره لنّها صورة أبو فيصل " الله يرحمه " والزول زوووله البشت والعقال والوجه واااضح وجينا نصورها حنا وخويااانا وما وضحت في الجوال لأن الجو شمس وفي أول العصريه قلنا داااروها لين تطيح الشمس ورحنا عنها بعيد حوالي 100 متر ووضحت أكثر .
وبسطنا الفرشه وقعدنا نسولف ونتقهوا من الشاذليه اللي ودكم إبـها . وعلى قولتهم :
( فنجال وعلوم رجال ) ويوم طاحت الشمس ( يعني قرب وقت المغرب ) مشانا ومرانا الصوره ونزلنا وصورناها وطلعت أوضح من الشمس في عز النهار وحنا نجيكم معودين مع دربنا .
وكان المشوار ممتع بوجود خوي السعد اللي ماقصر صرااحة ً الاخ / أبو محيسن . وباقي خويانا وهم :
أبو حمود - أبو معيض - أبو عايض - أبو مسفر - ومحدثكم : كاسب الطيب .
وســــــــــــــــــــلامــــــــتــــــــــــــم ،،،،