مــــــــتــــــــــعــــــــــب القديري يـــــــطلب مــنصور الثبيتي ...

[متعب القديري]

السلام عليكم ...


بعد طول الغياب وبعد الاختبارات ومشاكلها جيت اشوف الوجيه السميحه والطيبه ..


اليوم نبي الشاعر منصور الثبيتي اذا هو موجود واذا مهب موجود يجي اي شاعر ما نقول شي ...


بس ما نبي التأخر فالرد او الغياب بدون سبب لاهنتو ..


استلم يا الشاعر :

سلام يا اهل المراجل دونكم حالي = ودي بشاعر على الصعبات حلالي
من قو عزمه يجيب المر والحالي = بسدير انا جالس(ن) والنار ما تطفي

==

يا سلامي على اللي يسمعون الكلام = عد من جا يصلي في ظلام و نهار
كنت طالب ولكن راح وقت التمام = صرت عاطل وصار الوقت عندي دمار

[طالع العتيبي]

صح الله السانك


والشاعر متصور يلعب ويا راشد


ليش طلبته شف غاره

[منصور الثبيتي]

صحح بدنك يامتعب ...!

شاعر مبدع لكن الليل سرا

وناا بلحق ارقد عشان الاختبارات ...!

الشعار واجد ونشالله بيننا قاف ..!

تحياتي ...!

[متعب القديري]

صحت ابدان الجميع ...


طيب اللي حاضر من الشعار يبدع والملعبه قدامه لاهنتو ..

[سعد حميد الثبيتي]

يامرحبا رحب وافي ماله امثالي=
من راس ضاري على الجزلات ياالغالي=
والمر جنب عنه ياطيب الفالي=
فالسيل يالذيب نار القوم ماتطفي=
مرحبا مرحبا ياللي ترد السلام= والسوالف نباها يافتى باختصار
دام حافز يغطي ماعلاك الملام= كل منه دام يمشي من طوال العمار

[محمد@الجعيد]

صحت اللسنتكم والله يبقيلنا ابو متعب

ويديم حافز ويمحي ساهر لان الي يجيبه حافز ياخذه ساهر وسبحان الله اسمائهم تتشابه تقريبا

ههههههههههههههههههههههههه

[سعد حميد الثبيتي]

صدقت وصح بدنك ياالغالي ههههههههههههههههههههههه

[سعد حميد الثبيتي]

متعب القديري استودعك الله ياالغالي ونكمل غدا ان شاء الله

[متعب القديري]

المشاركة الأصلية كتبت بواسطة سعد حميد الثبيتي

يامرحبا رحب وافي ماله امثالي=
من راس ضاري على الجزلات ياالغالي=
والمر جنب عنه ياطيب الفالي=
فالسيل يالذيب نار القوم ماتطفي=
مرحبا مرحبا ياللي ترد السلام= والسوالف نباها يافتى باختصار
دام حافز يغطي ماعلاك الملام= كل منه دام يمشي من طوال العمار

اســـــــــتـــــــلـــــم :

معد فيها حوافز والزمن حامي = اما تدور شغل يا صاحبي سامي
ولا تريح مع الصبيان والشامي = بسدير انا جالسن والنار ما تطفي

=

والبقى يا المرحب بعد طول الكلام = دام موضوعنا ذا الليل يمشي بمسار
وضع حافز مميز بس شرطه صيام = قالو أصبر ثلاث شهور ياتي فطار

[متعب القديري]

المشاركة الأصلية كتبت بواسطة محمد@الجعيد

صحت اللسنتكم والله يبقيلنا ابو متعب

ويديم حافز ويمحي ساهر لان الي يجيبه حافز ياخذه ساهر وسبحان الله اسمائهم تتشابه تقريبا

ههههههههههههههههههههههههه

صـــــــــــــــــــح بدنك ...


لكن وين الغيبات يبن جعيد انا لعبت معك مريتين وانت انسحبت منها بدون عذر او اعتذار ...

اذا مالك نظر فاللعب معي اعتذر ترى الدعوى مهيب غصب ترى كلها لعب ونقاش لا اقل ولا اكثر ..