متسلط على الشعار

[طالع العتيبي]

انا ياصاحبي ماني مفتش بقشة الدوار = ترا الدوار ابو بقشه ما يحسب راعي تجاره



بغت تمشي لكن الله فزع للشاعر البيطار= لحقها قبل تخطفها القنوص براس سناره

[مخلد منصورالثبيتي]

ليا كانك معزب لا تقول انك من الزوار=زمانك لو تحسب انه صفا الايام غداره
تبا اترد اليسار ايمين وترد اليمين ايسار=وابو زيد الهلالي يعرف ايمينه من ايساره

[طالع العتيبي]

نصيحه يالثبيتي ـلاتثورهابـــــــــدون عيار =ترا زلة كبير القـــــوم ماتدمح لمعذاره




نعرف العقده اللي يالثبيتي توقف المنشار= ولولا السيل ماحطوا مئة كبري وعباره



الختمه لك شكرا تصبح على خير

[منصر الناصري]

الله الله ياطالع وربي شاعر ماشالله عليك ومخلد شاعر كذالك لاهنتوا وبيض الله وجيهكم

[مخلد منصورالثبيتي]

ههههههصح لسانك تشرفت باللعب معك ابد خير ختام واستر ماواجهت
(سبحانك اللهم وبحمدك لااله الاانت اني كنت من الضالمين)

[مخلد منصورالثبيتي]

وجهك ابيض يالناصري

[مخلد منصورالثبيتي]

طالع العتيبي
سلام الله سلامً مابخلنـا بـه عـن الحضـار=يـعـم عتيـبـه الهـيـلا ومنـهـو جـاهــم زيـــاره
انا شاعر عليمي مير متسلط عى الشعار=اطـــق الـشـاعـر بعـلـبـاه ويـوقــع عـلــى زاره
مخلدالثبيتي
هـــلا يـامـرحـبـا تـرحـيـبـة مـاتـرخــص الاســعــار=تخص الطيب اللي جاب علم الطيب من داره
تــرى دنـيـاك هــذي ماتـجـي لــك زي ماتـخـتـار=لـكـن احــذر تجـيـب المشكـلـه ياعـمـدة الـحــاره
طالع
فلسطين انتهت من بعد مات العود ابو عمار= ولا عاد المذيع يذيعها في نشرة اخباره

تولم ياثبيتي واسر في طرقتك لا تحتار = لكن ايديك لاطال المدى لاتفلت الطاره

مخلد
مامات الصقر يابو زيد دام انه وراه احرار=ومـن ينكـر دروب الحـق بلـه ويـش مـعـذاره
تقوله يالعتيبي وانـت عـارف لعبـة المقطـار=لكـن الواجـب ان الجـار مايغلـط عـلـى جــاره
طالع
ترا ذكر الحيا ما يختفي في ســـــــــــاير الاقطار= ومخلدطال عمره بالجزيره وينها اثـــــــــاره

احد يدعى على التاجر واحد يدعي على السمسار= واحد من سو حظه كفيت ادلاله على ناره
مخلد
انامادري عن الجـولان قبـل يبيعهـا بشـار=ومخلد مـع رجـال المعرفـه محفـوظ مقـداره
ياكبر الكارثه في سوريا لن هزموا الثوار=لكن الشام فيه اسرار ماندري عن اسراره
طالع
عن الجولان تحكيلك نصوص مسلسة غوار = لاتنشد رجل عن دارً تعرف انه ماهو داره
ترا سر القمار اكيد ما يخفى على القمار = يجيب السر من جرب سجال القط والفاره
مخلد
احد في بنكه الدرهم واحد في بنكه الدولار=وراع البنك دايم ماينقص سعر دولاره
ومن يبني قصوره بالمخادع والحيل تنهار=وتــاريــخ الــعــرب مــعـــروف والايـــــام دواره
طالع
انا ياصاحبي ماني مفتش بقشة الدوار = ترا الدوار ابو بقشه ما يحسب راعي تجاره
بغت تمشي لكن الله فزع للشاعر البيطار= لحقها قبل تخطفها القنوص براس سناره
مخلد
ليـا كانـك معـزب لا تقـول انـك مـن الــزوار=زمانـك لـو تحسـب انـه صفـا الايـام غــداره
تبا اترد اليسار ايمين وترد اليمين ايسـار=وابو زيد الهلالي يعرف ايمينه من ايساره
طالع
نصيحه يالثبيتي ـلاتثورهابـــــــــدون عيار =ترا زلة كبير القـــــوم ماتدمح لمعذاره
نعرف العقده اللي يالثبيتي توقف المنشار= ولولا السيل ماحطوا مئة كبري وعباره

[سعد حميد الثبيتي]

شعار كبار لله دركم على ماقدمتوا لكم مني كل تقدير واحترام