ياليل وش بال السهر ماله حدود

[شاعر الدرع العربي]

المشاركة الأصلية كتبت بواسطة محمد المرشدي

قصيده جديده اتمنى ان تحوز على رضاكم

ياليل وش بال السهر ماله حدود
واصل وخلاني معه وين ماراح
مرات ياخذني على عيونه السود
ومرات ياخذني على خف وجناح
وانا ما اقول بكل مشوار منقود
صامت واعد الوقت واقول مرتاح
لو ان عيني ترخي اهدابها بزود
القلب صاحي والكرى عنه منزاح
تلعبي الدنيا كما الغصن والنود
دايم تهزه هز لكن ماطاح
تدفع همومي دفع وبسرعة سكود
والقلب لوه يقدر يصيح قد صاح
بين الطموح وبين الاحباط موجود
واكتب على وجه الزمن قصة كفاح
ثابت وباذل للفرح كل مجهود
مير الجهود تروح وتجيب الاتراح
ولا شفت وسط الغيم براق ورعود
اقول ربي يرزق العبد الافراح
والصبح اروح وصامل الراي معقود
وفي وسط عيني صورة البرق لا لاح
الابتسامه تزرع دروبي ورود
والله كريم ولكن عباده شحاح
لولا الامل ماعاشت الناس ياسعود
حكمه وفصلها على متني وشاح
صحيح دمع العين كم يحفي خدود
مير الدموع احيان دفعه للاصلاح

الله الله
صح لسانك مليووووووون


انا اول مره اقرا لك لاكن والله قصيده ثمينه
وكل بيت يدل على شاعرية شاعرها
لاهنت وتقبل مروري