استفسار عن بيت للشاعر رشيد الزلامي

[محـ العتيبي ـمد]

مساكم الله بالخير جميعا

حبيت استفسر عن معنى كلمة (الزام) في بيت للشارعر رشيد الزلا مي اللي يقول

وامسكوا ورع الهوى اللي بلشنا به***كل ماجينا مع الزام قابلنا


وهذه هي القصيده كامله

الزلامي كيف رمح الهوى صابه=والهوى ما صابنا من على اولنـا
ياهل البيت الحجر سكروا بابـه=سكروا بيبانكـم ياعـرب عنـا
وامسكو ورع الهوى اللي بلشنا به=كلما جينـا مـن الـزام قابلنـا
هز رمش العين ولا ضحك نابـه=ضحكةٍ منهـا النجـوم يتهاونـا
امسكـوه ابيتكـم قبـل نبلابـه=وان طلع لا تامنون العتـب منـا
لا يكلمنـي ولا يطلـع الجابـه=لو صبـاح الخيـر كنـه يلعنـا
ما يخاف الله ولا يرحم اصحابـه=جاهـلآ بعيونـه السـود يفتنـا
اتمنى حرب مدفـع ودبااااااابـه=والعيون السـود عنـي يصدنـا
بس ياهل الطفل متنا من اسبابـه=ما يرد الموت لا انتـم ولا حنـا
ورعكـم يلعـب ودنيـاه لعابـه=ما درى انا قـد لعبنـا وهونـا
ما لقينا في طريق الهـوى ثابـه=زتنا في بحر الاهـوال واهملنـا
الهوى علـه ولا توجـد اطبابـه=دايمـن راعيـه مفتـون ومعنـا
ودنا بيت الهوى نقطـع اطنابـه=ونطلب الوالي عسى العفو يشملنا

[غالب الذيابي]

:
:
:
هلا اخوي .. رشيد يوم قال القصيدة هذي كان في الكويت..

والكويتييين يسمون المناوبة في العمل ( زام) ..

وسلامتك
:
:
:
:

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر

[ماجدالخنفري]

الزام الاستلام او المناوبه لحيث ابوجميل كان عسكري في الجيش الكويتي


لاهنت الله يعطييك العافيه ويطول عمر ابوجميل

[صارم عتيبه]

اعتقد ان الشباب ماقصرو الزام هو الاستلام

او الدوام


ودي واحترامي

[فهد علي العازمي]

الزام كما قالوا الإخوان قبلي

وليس فقط فالكويت حتى عندنا فالسعودية إلى الآن

[عزارم]

!!!!!!!!!!!!!!





فيه أحد مايعرف معنى الزام

[محـ العتيبي ـمد]

شكري وتقديري للجميع

[محـ العتيبي ـمد]

المشاركة الأصلية كتبت بواسطة عزارم

!!!!!!!!!!!!!!





فيه أحد مايعرف معنى الزام

عسى ماكلفنا عليك يالاخو؟؟؟؟؟

ليتك احتفظت بهذا الرد مابديته

آخر تعديل محـ العتيبي ـمد يوم 08-Apr-2012 في 12:41 AM.

[عايض جزاء العصيمي]

يقول مرشد البذالي رحمه الله في شطر من بيت


زامك قضى واسمح لغيرك بزامه


والزام كما ذكر الاخوان