خبر عاجل

[عزارم]

والله أنا مع هذا الهدوء طفت جميع دول العالم
ولا فيه مشروع الا سويته و كنسلته وسويت غيره
ولا فيه قصيده جديده و قديمه الا طرت علي
ولا فيه معركة الا طبيت في اوج معركتها
ولا فيه نقااش مع مسئول ولّا حاكم الا خضته
ولا فيه أمر ما مريت عليه تدرون اليكم الاتي



هذه قصيده قديمه رحمة الله على من قالها أريد أسم شاعرها

آه وانومي اللي حارب الجفن جايل = كن يضرب صبَّي العين مضة حرارة
والبلا والسبب قب المهار الاصايل = خايف من مضار يجدعني مهاره
عارضني ثلاث خشوف فيهن نفايل = من خشوف الظبا والصيد نفهم دياره
والتفت لي حديهن شفت منها الهوايل = كن في خدها القنديل يقدح شراره
صافي الزين يطلع له رسوم ودلايل = وقزت العين ماتخطي نظرها الاشاره
ناظري بالعيون وجاكري بالجدايل = غيرك البيض مايسون لهن ربع باره
عين ريمية قادت فروق الجمايل = صاعها الريح وافترت بعنف وحذاره
كان للبيض كيف مع جميع القبايل = صافي الزين كيف البيض وانتي بهاره
وكان في البيض نجم دونه الغيم حايل = انت الشمس يجلي الغيم شعة نهاره
وانتي البيض غيرك مثل عشب النثايل = وانتي اللي مثل نوار عشب القراره
وانت اللي جمالك فيه زود ونفايل = من تصبح بوجهك مايشوف الخساره
وانتي اللي قبالك يودع الهم زايل = شوفتك ربع ساعة عندي اكبر تجاره