الشاعر اللي يبي يلعب يبدع

[عبدالاله المقاطي]

السلام عليكم ورحمة الله


الشاعر اللي في راسه عطاااس ،، يبدع القااااف وانا ماااااجوود


ويطلق من خيله سبقها ^_*

[سعد الرويس العتيبي]

انت ماجود الان

[عبدالاله المقاطي]

نعم نعم حيااك الله..

[سعد الرويس العتيبي]

سلام الله على اهل المنتدى والعلم فيه وفيه=لياجا في العلوم علوم هات القاف ملياني
يقولون العرب من يفقد المفقود ما يعطيه=على وجه الحقيقه والحقيقه راس ميداني

[عبدالاله المقاطي]

هلا يا مرحبا ترحيب وافي لأجلك ونوفيه = على شانك ولد عم ومن اهل سنان وعناني
ترى هداج تيما من ورد جمه يبي يرويه = وشكرك فوق غربك والرشا يابن رويساني

[سعد الرويس العتيبي]

يدوم لك البقاء ياصاحبي والعلم مانخفيه= ليا جاء فى العلوم علوم دورني وتلقاني
تبا تاخذ وتعطي والهدف ياصاحبي نبديه=على وكر من التاريخ يوم السيف شاماني

[عبدالاله المقاطي]

الله الله

بعد ما اوحيت عن دار الحيا جيتك على طاريه = هواي الديرة الليٍ يشبع ابها الذيب سرحاني
لكني ما لقيت الا الدهر جعل الله يكافيــه = عسانا غير هاذااك البلد نلقى بلد ثاني

[سعد الرويس العتيبي]

تقوله وانت لو يرميك ابو لغبوب ماترميه=ابو لغبوب قوى قوته في قلب الانساني
يموت شداد ابو شداد ولاظني يبا يحيه=لكن حفظ لسانك ياعميلي وحفظ لساني

[عبدالاله المقاطي]

انا كنت احسب انك يوم ترم الرمي ما تخطيه = لكنك مد شوفك وابعده يالطير حوراني
سريت بليلٍ اضلم لو سراه الذيب ما تسريه = لوانك رجل مسلم مير فكرك فكر نصراني

[حمدان العضياني]

صحة السنتكم شكلكم مواصلين يالذيابه