سلام الله على اهل المنتدى والعلم فيه وفيه=لياجا في العلوم علوم هات القاف ملياني
يقولون العرب من يفقد المفقود ما يعطيه=على وجه الحقيقه والحقيقه راس ميداني

هلا يا مرحبا ترحيب وافي لأجلك ونوفيه = على شانك ولد عم ومن اهل سنان وعناني
ترى هداج تيما من ورد جمه يبي يرويه = وشكرك فوق غربك والرشا يابن رويساني

يدوم لك البقاء ياصاحبي والعلم مانخفيه= ليا جاء فى العلوم علوم دورني وتلقاني
تبا تاخذ وتعطي والهدف ياصاحبي نبديه=على وكر من التاريخ يوم السيف شاماني

بعد ما اوحيت عن دار الحيا جيتك على طاريه = هواي الديرة الليٍ يشبع ابها الذيب سرحاني
لكني ما لقيت الا الدهر جعل الله يكافيــه = عسانا غير هاذااك البلد نلقى بلد ثاني

تقوله وانت لو يرميك ابو لغبوب ماترميه=ابو لغبوب قوى قوته في قلب الانساني
يموت شداد ابو شداد ولاظني يبا يحيه=لكن حفظ لسانك ياعميلي وحفظ لساني

انا كنت احسب انك يوم ترم الرمي ما تخطيه = لكنك مد شوفك وابعده يالطير حوراني
سريت بليلٍ اضلم لو سراه الذيب ما تسريه = لوانك رجل مسلم مير فكرك فكر نصراني