فال الله ولافال . كاشغري .

[عبدالمجيد الثعلي]

فال الله ولا فال فال الشيّن=اللي رحل ذهاب بلا عوده
من طاوع إبليس اللعين لعيـّـن=يرضع عجوز ابليس وألا عوده
لا الله خلق كوكب بشكل معيّن=يضحك عليه القرد عند قروده
وعلمك هذا علميا ٍ وسطحيّن=تجارب ٍ مرموحه ومهبوده
العقل يوقف نعد حد معيّن=تمشي به الدنيا وتقف بحدوده
وليا تجاوزها ومشتبه هيّن=ساقته سوق التكسي المكدوده
ولابه صيانة للعقول تصيّن=ليا اخترق قدراته المحدوده
والموعظه للمختفي والبيّن=ما أظنها ملحوقه المطروده
ليا ردها للدين عند الديّن=يسوقه الشيطان والا يقوده
حكم الشريعه حكم ماهو ليّن=صارم وحق ولاتخان عهوده
يدان كاشغري كما يديّن=الله يفك العقده المعقوده
ماهو عذر توه ولد وحنيّن=تحجه الشهاده المشهوده
عمره بلغ رشده وهو شخصيّن=يقول الخطأ والله ماعاد أعوده
ويجيء النهار اللي بعد متزيّن=بلباسه وباسلوبه وبوعوده
سوى الخطأ متين وألا متيّن=ربع زاويا مثلث البرموده
ماودنا ألا إن الأمر ٍ خطيّن=دون العرين أشبال أسود أسوده
أمره وأمر مثله ماهو بهيّن=عن مابغت مقروعه ومردوده

وسلامتكــم

[عثمان الثبيتي]

صح السان وبيض الله وجهك ياعبد المجيد الثعلي

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه

[محمد الذيابـــي]

..



صح لساانكـ



ولا هنت...

التوقيع

التوقيع محمد الذيابـــي

[صامت]

كفو كفو يابن نامي شاعر جزل

[عبدالمجيد الثعلي]

المشاركة الأصلية كتبت بواسطة عثمان الثبيتي

صح السان وبيض الله وجهك ياعبد المجيد الثعلي

صح بدنك و وجهك أبيض

شرفتنا

[عبدالمجيد الثعلي]

المشاركة الأصلية كتبت بواسطة محمد الذيابـــي

..



صح لساانكـ



ولا هنت...

مرحبا وهلا والله


صح بدنك


شرفنا مروك

[عبدالمجيد الثعلي]

المشاركة الأصلية كتبت بواسطة صامت

كفو كفو يابن نامي شاعر جزل

ياهلا ويامرحبا والله


ولا عليك زود أنا أفداء هالخشم والله هههههه

لكن يا إبن العم تراك غلطان وأنا بن عمك

أنا من الربع هل المحاني