يامدهورين الشعر بالله على وين = تكفون لاتشقون لرخيص الاسعار
لاشعركم طيب ولا انتم بصاحين =فيكم خلل بين وظاهر للانظار
تفداك ياشعري بيوت الغشيمين =وانا فداني كل ثرفه وثرثار
انا هنا يامخلفين القوانينن = اعرف خفايا العلم وادري بالاسرار
الشعر يفخربي بكل الميادين =وانا بحبك وسبك الابيات بيطار
ادون الفكره واصيغ العناوين =واصممه من نسج بنات الافكار
اقدره تقدير ضيف الكريمين =ناسً تكمل واجب الضيف والجار
ماكنه الا شايبً بالثمانين =وانا اعتبر نفسي مقام ابنه البار
اخاطب بشعري عقول الفهيمين =اللي لهم عندي معزه ومقدار
رافع مقامي عن كلام السفيهين =وانحت بشعري بالحجر رمز وشعار
ما ابا ارخصه من شان ترضى الوراعين =وتصيح وتصفقلي بكل محضار
شعري رساله له بنود ومضامين =لمن يهم الامر في كل الاقطار
ياللي مع العالم تعامل بوجهين = وجهً صريح وجه ملفوف بستار
انا تراني فاهمك واعرفك زين =لبق بكلامك وانته انجس من الفار
اتمارس اسقاطات فوق المقفين =والهرج بالمقفي من الخزي والعار
مشيت من هفواتك العام ثنتين =تقدير لهل الطيب وافين الاشبار
تكرم مدينه كامله من لجل عين =وان خانت اعمانا نظرها بمسمار
والغلطتين مسجله بين قوسين = ويكفي ليا ارسلت الك تخذير وانذار
والثالثه لن جات يافالك الشين = والله لتاخذ ردها سر وجهار
في كل حال انرجع الصاع صاعين =في خير والا شر عليك تختار
لاتبحث بكفك عن انصاب سكين =و اندقها مابين منحرك والزار
ماهمنا لو يقسم الصف صفين = الاقربون اولا ولا فيه معذار
لو العصا يصبح بها صبح شقرين = جعل العصا بالنار لاشبت النار
سالم وتسلم لاتطيع الشياطين =اللي على اهل الدارتبتهدم الدار
قول ونعم ونرد فيها بنعمبن = واخذ مع اهل الطيب بالطيب مشوار
احد الدروب يسار والثاني يمين =خلك يمين ايمين لا ترجع ايسار
اكسب زمالة نصرة الحق والدين =لاعاد تخسر منته بحمل مخسار
التوقيع |
انكان طاب الوقت وانكان ماطاب=مايختلف نهج الشجيع وطموحه
اما اقبلوني هكذا سلب وايجاب = والا ودعاً والعذر والسموحه
اذا انقفل باب انفتح غيره ابواب = وكلً على ما قالوا ادرى بروحه
|
آخر تعديل عثمان الثبيتي يوم 12-Feb-2012 في 07:53 PM.