دفاع عن شعراء الوقت الماضي00كديميس صالح العصيمي

[نامي]

سر ياقلم سجل لنا مطلع القاف = واعلم ترى للقاف ناطح وقافي
وترى طلع في ساحة الشعر عراف = واصدر بيان انه مقيَم قوافي
واصبح بيانه بين هاتف وهتاف = وانا لمضمونه معارض ونافي
شفنا بيانه واضح ٍ فيه الإجحاف = بحقوق متعَبت الدلال المصافي
همَش قصايد من يقودون الأسلاف = وللضيف والعاني حصون وملافي
اللي لهم عند المتلَين ميقاف = اليا اقبلت خيلٍ وخيلٍ مقافي
يحوَلون خلاف والجيش زَلاف = بيومٍ يلوذ الريق بين الأشافي
فضَل عليهم من مواقفهم ضعاف = بدَل معدلة العوَج بالهلافي
اللي مواويله هزيلات وسخاف = وزنه خفيف ومفرداته اخفافي
ليا شاف حفلٍ داخله بذخ واسراف = جابه على سرد القصايد اهرافي
واللي قرأ مافي دواوين الأشراف = درى ان ماقالوه الأشراف كافي
غرايبٍ مثل الذهب عند صراف = فيها الهدف مشهور والبيت وافيِ
وان ثار عج الخيل بالموقف الحاف = عاداتهم خيَالهم مايخافي
والهم على مناسك الحج الإشراف = والهم مضيفن في السنين العجافي
وآل السعود اللي صحايفهم انظاف = اهل السيوف الصاطيات الرهافي
حاموا عن المله وقاموا بالإنصاف = من قبلهم قنديل الإسلام طافي
شالوه من فوق السواعد والأكتاف = حتى استقام وصار للناس صافي
وسادوا على بر الجزيره والأسياف = وبنوا على البحر العماني مرافي
وآل الرشيد اللي يصيبون الأهداف = ليا صار في بعض القلوب ارتجافي
خيالهم لو خف من خف ماخاف = يلكد على جمع العدوا مايفافي
يضرب على الكايد لياشاف ماعاف = مافيه عن وجه الحريب انحرافي
اليا مشى قدام مايرجع خلاف = النصر والا الموت لابد لافي
ورسايل ابن حميد منها القلم جاف = شيخ مناجيبه تبوج الفيافي
يراسل الأشراف وشيوخ الأطراف = يهدي لهم مره ومره يكافي
وان جاء نهار فيه هجمه ومحراف = كنه موكل بالجواد الخلافي
تركي ليا شاف اكثر الليل قد طاف = قام يتهجد واكثر الناس غافي
وشيخ قحَطان اللي لهم قايدٍ كاف = حكمه على كل القحاطين ضافي
محمد جمع فرسان بسيوفٍ رهاف = وجر الجريره فازعٍ لأبن شافي
لأن ابن شافي راسله يطلب اسعاف = وشد الرحال ولاحسب للقوافي
لبى النداء وارسل رساله بلا غلاف = فيها النقا مجرود مهوب خافي
وراكان فعله مع هل الخيل ينشاف = ليا طار ستر البيض سمر الغدافي
رسايله شلفٍ على شهبٍ خفاف = ليا صار بين اللابتين اختلافي
يوم القبايل بين غازي وحواف = مافيه بيت وامنن وامتعافي
شد ونزل بين الظفيري وعساف = ونجع المطيري فالمنازل مضافي
وشيخ العنوز اللي لهم درع ولحاف = ليا لحقت الدفه غلاظ الضلافي
وان صاح صياحن على راس مشراف = تفرح بأبن هذال حمى الشعافي
شيخ ٍ لروس القوم بالسيف نساف = ليا جاء النهار اللي بليا عوافي
شيخ الشيوخ اللي جموعه بلألاف = يوعد حريبه بالمواجه ويافي
وقصيدة النجدي جليه بلا لفاف = فيها المعاني واضحاتٍ انضافي
وصارت يتيمه واعتلت قمة اسناف = من شان لا تسفي عليها السوافي
يسمونها الشيخه مصنفة الأصناف = وانا على ذلك وضعت اعترافي
وذكر صفاتٍ فالرياجيل واوصاف = منهم ربادين ومنهم سنافي
وبعد تعرضهم مقيم وحذاف = رجل على سرد السوالف جزافي
حميت غيبتهم من اقوال زهاف = دافع وفاء لمكبرين الرفافي

كديـمـيـس صـالـح

آخر تعديل نامي يوم 28-Mar-2011 في 11:53 PM.

[صارم عتيبه]

لا هنــــــــــــــــــــــــــــــــــــت وسلمـــــــــــــــــــــــــــــــت انـــــــــــــــــــــــاملـــــــــــــــــــــك


ودي وآآآحـــــــــــتــــــــــــــــــــــــــرامي

[الرتوعي]

صح لسانه حتى يرضى

بس يا نامي اذا ما عليــــــك امر منهو اللي استهزئ بشعراء الماضي

واين اجد قصيدته

وكديميس عاد ما يحتاج محصلن ونعم من قديم

[برقاء والسماء زرقاء]

وآل السعـود اللـي صحايفـهـم انـظـاف

تركـي ليـا شـاف اكثـر الليـل قـد طـاف==قـــام يتـهـجـد واكـثــر الـنــاس غـافــي


جعل عمرك طويل ياأبو سلطان على العز والطاعة ..

حنا عتيبة لنا رايات مرفوعة +++ في سلم المجد طول الباع رافعها


لاقيل للهيلاء تناخوا بعتاب +++ وأمسوا مثل نواً تهشم قنوفة




حنا بوجة الجار دايم جديدين ’’

وكذلك :


جينا من الحرة على كل حرة


و :


زحنا الزحازيح عن نجد وروابيها++مع لابتاً مع جبل مكة محادرها
عتيبة ليا شبت الهيجا تصاليها++ وتنام بهم عين ولا عين تسهرها

و :

كم حدينا الضد بالحد الصقيل + وكم نزلنا بين قوم وبين قوم

:

عتبان يوم مواجة الجيش والجيش + تاصل ليا أرقاب المعادي نمشها

:

قبيلتي زحزحت عن نجد زيزومة + لوكان له لابةً فالحرب ماأقرمها

:

وأخيراً :

يخم الخصيم بشوشتة كان كثر الحوم + إليا أدلى على صنديد بالكف يعتره

................

صح لسانه والله يطول في عمره ..

[(مہودع دنہيأهہ)]

صـــــــــــــــــــــــح لسااااااااااااااااااااااااااااااااااااانه ملايين راعي جزله من يومه يعلم الله إني ما أسمع فيه لأنه درع عتيبه الله يطول بعمره ويبيض وجهه والله كل ما أسمع قصايده أقول ليتني مليونين والله لاأسوي له حفل ماسواه أحد قبلي ياحبني له الله لا يضره

وألف شكر على النقل وبيض الله وجهك

[محمد العتيبي]

الله الله الله



صح لسااان الشاعر العلم والقوة العظمى / كديميس العصيمي



وبيض الله وجهك يانامي على موافاتنا دائما بجديد الشاعر ..



تحيتي لك
..

التوقيع

للتواصل عبر twitter تويتر al_bargawy@

[المـرشدي]

صح لسانه واعتلى شانه
ولاهنت يامنزل القصيده مشكور

[عزارم]

صح لسانه



شكرلك ياطيب