مقعد الدغيلبي
العصيمي عام الاول ماحدٍ يسمع كلامـه=فأخر الطابور ماله فاوله قدر ومكانـي
واخر الايام اشوفه يهرج ويكرب حزامه=يازماني علمه وشلون وضعه يازمانـي
سعود العصيمي
العصيمي مايلـد العيـن لعلـوم الرخامـه=له فعول ٍ باليمين وله كـلام باللسانـي!!
مار يامقعد نظامـك لاتغيـر فـي نظامـه=لاعطيتك عشر عطني عشر لاتعطي ثماني!!
مقعد الدغيلبي
كل ليله وانت تطرح من علاماتك علامـه=امتحنتك واكتشفت انك تحت كل امتحانـي
خابرك عاقل وتفرق فالشـداد وفالمسامـه=وانت اعدك من خواني بس منته من خواني
سعود العصيمي
لاتعاند للعصيمي لين تصبح في مقامه=نمتحنك وتمتحني وانت تجفل ماتداني!!
في طريق اللي يفوقك لاتدور للسلامـه=قبل تطويل العلوم وقبل تقريص الاذاني
مقعد الدغيلبي
اكتشتف ان البحر ماله تـرا (90)قامـه=وانت لو نقرب شويه منك اعرفك ماتداني
ويش رايك لونحولها على ساحل تهامـه=والزمن يجري على سلك الدقايق والثواني
سعود العصيمي
لاتكلـم بالكـلام اللـي يلحقـك الملامـه=من يدورني يحصلني مع سهيل اليمانـي!!
لاتطش عقالك اللي ثابت ٍ فـوق العمامـه=مالكم في ساحل اتهامه بعير ولاحصاني!!
مقعد الدغيلبي
اقلط اقلط للقبر ماعندنـا فـراش وكرامـه=والله اعلم بعدها فـي نـار ولافـي جنانـي
الغصن كم وقعّت فوقـه يابوطايـل حمامـه=قرصة الداب الحرش ماهي سوات العقرباني
سعود العصيمي
كم وكم ليلة وليلـة يجـرح السيـل العدامـه=وان عطاك الله عطيتك من فضل رب ٍ عطاني!
مابغيتك تشتـم المسلـم ولاتجـرح صيامـه=مارضعيت الاجر وفطرت ماصمت رمضاني!!
مقعد الدغيلبي
فيك صده فيك ميله فيك عدله وانقسامـه=مانبي منك عطيه دامت اضلوعي متانـي
ماتمشيها عليـه فالزمـن يابـو دلامـه=كوية الميسم ترا ماهيب ظرب الخيزراني
كوية الميسم ترا ماهيب ظرب الخيزراني
كوية الميسم ترا ماهيب ظرب الخيزراني
هههههههه
« آخـــر الـــمـــشـــاركــــات »
22-Jan-2012, 03:14 AM
العرض العادي
