للمتعة اقبلوا مني اختصار المحاورة :
الشاعر / حمدان العضياني :
من هجوسن على جزل المعاني حكومه=ياسلامي سلام السنه المستقيمه
قامـــت الملعبه وانفك باب الخصومه=والهقاوي بعيده والنوايا ســــــــــــليمه
الشاعر / عجاب الدغيلبي :
مرحبا من ضمير ٍ كل كايد يرومه=الله اللي عطاه السيطرة والعزيمة
الخصومة تكودك ياوليف النعومة=واثق ٍ من كلامي مالحقني ظليمة
الشاعر / حمدان العضياني :
الله الله سرى ليلن تلامع نجومه=والصباح اخذعلم النصرولا الهزيمه
يوم نفطرنهارالعيد وانته تصــومه=هكذا الفرق بين الادامي والبهيمه
الشاعر / عجاب الدغيلبي :
قبل حمدان لاينوي بسرعة هجومه=يتذكر ترا بعض العواقب وخيمـة
الرجل ننشده حتى يبيّـن علومـه=والبهيمة نخليها تـذب الخريمـة
الشاعر / حمدان العضياني :
البحرفيه خيروغيرياللي تعــــــومه=وابشران الجديده مثل لون القديمه
نعبنبو هالزمان اللي يجرد سهومه=عود الناس مايستنكرون الجريمه
الشاعر / عجاب الدغيلبي :
علم اللي عن الطالة تـرده عزومـه=ضيّع شداد ريمة والخطر حول ريمـة
كل ٍ يعوّد لساسـه ومنهـج سلومـه=إن مشى بالمطاعة وإن مشى بالنميمة
الشاعر / حمدان العضياني :
المطيه عليها حملها ومخطومه=علــم اللي يقـــــــــــولون الدعاوي مقيمه
لاتقول العبادعن الذنوب معصومه=غيرهاك الكريم اللي رضع من حليمه
الشاعر / عجاب الدغيلبي :
غيرها يالعضياني جمال مخزومـة=كلبوهن همل مامن وراهن غنيمة
شايل ٍ لك وثيقة بالختوم مختومـة=مير ماهي شهادة علم هاذي قسيمة
الشاعر / حمدان العضياني :
الهمل كان تدري من عليهن وسومه=علم الناس باشكال الهمل والوسيمه
كل ليله {مرور الطيب}ندفع رسومه=واحمد الله قسايمناالوفاوالحشيمه
الشاعر / عجاب الدغيلبي :
خلهن وإن تركهن خاطري لاتلومه=مايشلن حمـل ولايجيبـن قيمـة
أثر حمدان ساعة نام كثرت حلومه=قام من نومته ويعد نفسه صتيمة
وسامحونا على التقصير وسلامتكم
« آخـــر الـــمـــشـــاركــــات »
17-Jan-2012, 02:38 AM
العرض العادي
