خمسة عشر فنجال لحنيف صبيت ( حنيف بن سعيدان المطيري )

[رفيق الطيب]

قصة خمسة عشر فنجال لحنيف صبيت,,,,

في أحد الأيام مر حنيف بن سعيدان المطيري على أهالي

حرمه مدينه مجاوره للمجمعه أميرها يدعى إبن ماضي

وكان يمشي في سوق حرمه

فصادف ناصر العبدالكريم من أهالي حرمه وعزمه للقهوه

فوافق حنيف ولما أتى مجلس العبدالكريم ناصر وجده

مليان من الحضور وكان أغلبهم أهالي حرمه فساق ناصر

القهوه عليهم وكان في ذالك الوقت الرجل هو من يعمل

القهوه وليست المرأه فتقهوو الحضور وكلا منهم

أنتهى من القهوه إلا حنيف مازال يرتشف الفنجال تلو الأخر

فقال ناصر العبدالكريم

خمسة عشر فنجال لحنيف صبيت = لو إن بطنه قربت(ن) قد ملاها

فأجابه حنيف قائلا

لاتحسبني من دلالك تقهويت= ماتنقه الشراب من كثر ماها

قال ناصر

ياحنيف أنا في حمستي ماتدنيت = والدله الصفراء نكثر مناها

فأجابه حنيف

وراك ماسويتها يوم سويت= مثل العميم اللي يزين سواها
ناصر ألا مني على البيت سجيت= يرخص حلاله ماحسب مشتراها
وبن عقيل اللي يهلي أذا جيت= مشرع البيبان للي نصاها

قال ناصر

سبيتها يوم أنت للضلع لزيت=ضيافتك ياحنيف هذا جزاها
ودلال ربعك يوم بالزين ماريت=هم ربعنا قبلك طوال(ن) خطاها

فأجابه حنيف منهي الحاوره بينهما بهذه الأبيات

مانيتي سبت هل الجود والصيت= والملعبه حنا نقوم سناها
ياموصي الحرمه على صكت البيت= تقول ماهو فيه ونته وراها
ياناصر بحرمتك ويش سويت= يوم المره تعسرت في ضناها
قالت له ألحق ياعشري تضنيت= ومسس ولدها لين ينظف غثاها
علم الردى يظهر ولو به تتقيت= علم(ن) وكاد ويشهدون أقصراها
ياخيبة أمك يوم قالت تمنيت= ياخيبة أمك ياقطيعة نماها

انتهت المحاوره ولم يزعل كلا من حنيف أو ناصر

العبدالكريم بل بدأت بعدها علاقه حافله بينهما إلى أن ماتا

رحمهم الله جميعا وأسكنهم فسيح جناته