حتى البريقع فوقها صار له ذوق

[عايض جزاء العصيمي]

ياوش جمالٍ شفته اليوم بالسوق=بصغيرٍ ما شافت العين زيه
لو للجمال مشكلٍ لجنة حقوق=في ذمتي الياخذ الاوليه
انكانها بالزين مهوب مسبوق=وان عودت للغنج لارحم حيه
ادعج غنج شوفه لراع الهوى عوق=هافي حشا مالبيض معه بشيه
اعطي جمالٍ ماعطي قبل مخلوق=سبحان من سوى بعبده كذيه
لاهي دقاق ولامتينه غرض روق=اغصين موزٍ ناعمٍ له بفيه
والخد براقٍ تشعشاعه يشوق=ودك تخيله لو مالك رعيه
حتى البريقع فوقها صار له ذوق=غطا الجمال وزاد ملحه شويه
ان اضفته خلى من خشيمها وفوق=وان خلته خلى اللحي مع شفيه

الشاعر عايض جزاء

[محمد الذيابـــي]

,,

صح لسااااااااانكــ يابو جزاء

وحنا عشان هالمشاكل مقاطعين الاسواق

ههههههههههه

التوقيع

التوقيع محمد الذيابـــي

[محمد الحميدي]

صح لسانك

التوقيع

[حمود بن خيشوم العصيمي]

صح لسانك

قصيده عذبه

لاهنت

[ذعير العالي]

صح السااااااانك

[عايض جزاء العصيمي]

محمد الذيابي
صح بدنك
الشي لوشفت البرقع
بنت الحلال برقعها مغار شحذه دوبه ياصل راس اللحي وماخذاتٍ فتحات العيون نصفه
ولاجوديه ستيره مار البرقع مفضوح ان اضفت الماخوذ ظهر الخشم مع عين البرقع وان فكته طار فوق وخلى اللحي واللي معه
وبلشت به وابلشت اهل السوق


تقبل تحياتي

[عايض جزاء العصيمي]

محمد الحميدي
صح بدنك
تحياتي

[عايض جزاء العصيمي]

حمود بن خيشوم
صح بدنك ولاتهون
هذا من طيبك
تحياتي

[عايض جزاء العصيمي]

ذعير العالي
صح بدنك
تحياتي لاهنت

[خلف محماس العصيمي]

صح السااااااااااااااااااااااااانك يا عايض ورفع العلومك شوي لاهنت