السلام عليكم ورحمة الله وبركاته
هذه القصيده للشاعر منور بن ماطر بن مسلم العصيمي ارسلها الى الشيخ هايف الفغم
بديت باسم مقسم الخلق وابديت=وارسل قصيده يم ذيك القبيله
قبيلةٍ تعطيك حقك ليا الفيت=وان كان قصدك ضدها مستحيله
قبيلةٍ بين القبايل لها صيت=مطير مرذين المهار الاصيله
ياللي تبى من حقهم غصب وليت=صاعٍ ملوه لخصمهم من يشيله
ان كان شلته شيل بان التعب فيك=وان كان خليته تراها دبيله
ماعاد لك مرواح و الفغم قافيك=نوٍّ ليا خيل مزونه ثقيله
إن اصلحوا مافيه واحد يعاديك=مازال هايف فوق راس القبيله
ياشيخ فعلك بين الامه محليك=اللي يجي زايرك تملى صميله
رايك يحل معقدات الشرابيك=تعفو عن المذنب وترضي قبيله
ياطارش وقف لي دقايق نوصيك=رساله خفيفه و الحقيقه ثقيله
عطها الامير ولا تكلم يكفيك=الفغم له في المجد يمنى طويله
قل له ترى التاريخ الاول يناديك=هايف ليا بار العميل بعميله
ليا ساقوا المظهور للخصم يشفيك=صلب صليب الراس مافيه حيله
على الكرامه في بلاده يناديك=صحون تقدم في ببيوت ضليله
فنجال عن كل المشاكل يداويك=نجر يدنونه نهاره وليله
يامير جعل الله يمدك ويعطيك=شهادة ماتنقطع وتهليله
وعلى الرسول أختم جوابي وصليت=محمد ترى ماغير دينه وسيله
آخر تعديل ذخر برقا يوم 29-Nov-2011 في 01:17 PM.
« آخـــر الـــمـــشـــاركــــات »
29-Nov-2011, 01:13 PM
الشاعر منور بن ماطر العصيمي
العرض العادي
