حبيب العازمي.....................حزام العصيمي(رائعه)

[عبدالملك القاضي]

محاوره اعجبتني بين لحنها ومعناها بين حبيب العازمي وحزام العصيمي
ولازلت اقول حبيب يغرد خارج السرب وليس له منافس في الوقت الحالي..وحزام مبدع في هذا القاف.

حبيب العازمي
هلا يامرحبا لاهنت ياصقلان بن مرزوق................وفيت واجب الضيفان والجيران كملته
عساها عادة ماتختلف ياعزوتي ياروق..................وانا ماقول قول إلا يشرفني ليا قلته
حزام العصيمي
يدوم الك البقى ياشاعر الي منزلك مرموق..........تجمل صاحب الحفله يبو فيصل وجملته
عساها عادة تبقى وترقا للثريا فوق.....................وانا لاقلت علم يحمل الهقوه تحملته
حبيب العازمي
عليك بروق وإلا يالعصيمي ماعليك بروق.............مادام ان المخايل مابقى دارن ماسيلته
انا لو كان ادور للبضايع ماهبطت السوق.............لكنه صار مشوار تناولني تناولته
حزام العصيمي
انا لي لحق في رقاب العرب وايظا علي حقوق........واعامل كل مطنوخ تشرفني معاملته
انا خابرك تاجر والجواهر داخل الصندوق.............لكن السيف لو حاجته بالحرب ماشلته
حبيب العازمي
رسومك باقيه بارض الكنانه يالملك فاروق.......... وحنا ماننزل كل رجل غير منزلته
ترى مافيه قلب نابض دمه بدون عروق...............وغير العقل مايعقل على الرجال مرجلته
حزام العصيمي
تبا تبقى رسومي بالكنانه والحياه وفوق..............عسى ربي يبارك بالرسوم الي ممثلته
مادام انا بخير ونعرف الصاحي من المطفوق........مانسمع هرجة الي صكة الدنيا مغربلته
حبيب العازمي
تحرينا على الشاشه يصرح مصدرن موثوق............لكن مع الاسف قال الشعوب العوب منفلته
تبى تمشي مع الصحراء وتشرب من حليب النوق.......هذا كان البعير شعيل درهم بك ماعقلته
حزام العصيمي
تحريت الخبر مار الخزينه بابها مغلوق...............وانا ماادري من الي يده ياحبيب مقفلته
قضيتنا درسناها وجبنا ختمها المسروق................ومن يبغى يقابلني على الاثبات قابلته

[مهجرس]

حبيب العازمي شاعر علم قليل من هو يسد مكانه

حزام العصيمي شاعر فتل و نقض و لكن لم يعطى

حقه من الشهرة

مشكور ـع النقل

[محمد الذيابـــي]

,,طاروق رائع

كل الشكر لك,,,,

التوقيع

التوقيع محمد الذيابـــي

[مشعان العتيبي]

طاروق مميز ورائع ونقض عالي المستوا من حزام

اتوقع حول شاعريت حزام وعدم ظهوره فالساحه

رسموك باقيه فارض الكنانه يالملك فاروق=وحنا ماننزل كل رجل غير منزلته

حبيب يقول حنا شهدنالك بالشعر ولاكن مابقى الا ذكراك

مجرد اجتهاد مني
ولكم جزيل الشكر تقبلو مروري

[مهنـا العتيبي]

رسومك باقيه بارض الكنانه يالملك فاروق.......... وحنا ماننزل كل رجل غير منزلته

تبى تمشي مع الصحراء وتشرب من حليب النوق.......هذا كان البعير شعيل درهم بك ماعقلته

كلاااام

واعتقد المعنى يدور حول ماقال الاخ مشعان العتيبي

[الباااسل]

عليك بروق وإلا يالعصيمي ماعليك بروق.............مادام ان المخايل مابقى دارن ماسيلته




ياسلام ياسلام طاروق كايف فتل ونقض

[ابو فايح]

طاروق يتجلى شعرا



حبيب العازمي يتسأءل عن غياب حزام العصيمي رغم قوة شاعريته كما ذكر الأخوان


ونقض رائع جدا من حزام العصيمي


لاهنت يا عبدالملك

[سعود العصيمي]

,,طاروق رائع




ياعبدالملك


وحبيب وحزام


عملاقين شعر

صحت السنتهم


وشكرآ ع النقل الاروع

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[مشعان العتيبي]

انا خابرك تاجر والجواهر داخل الصندوق=لاكن السيف لولا حاجته فالحرب ماشلته

نقض قوي من حزام

[شامان العتيبي]

محاوره رائعه

وشعراء فتل ونقض من الدرجه الاولى

وحزام العصيمي شاعر جزل ومن افضل شعراء المحاوره بالرغم من قلة ظهوره الاعلامي