الشاعر عيد الجعيد و الشاعر راضي بن عتقان ,,

[السامي الجعيد]

بسم الله الرحمن الرحيم

السلام عليكم و رحمة الله و بركاته

صباح / مساء
الخير

محاورة جرت بين الشاعرين عيد الجعيد و راضي بن عتقان


عيد الجعيد

مرحبا ترحيبةٍ مثل نورٍ في ظلام=و العلوم اللي بعدها نبي نبدابها
و أنت يا راضي مقدر ولك عندي مقام=مير كيف الكاهنه لبستك ثيابها

راضي بن عتقان

البقاء يالي ترحب على حسب النضام =وانت راع الحلة الي مشرع بابها
دام نيت عيد هاذي على الدنيا السلام =ودي انه يترك الناس مايغتابها

عيد الجعيد

اتفقنا نرفع الصوت في جزل الكلام=ما اتفقنا كل صيحه نروح اسبابهـا
كان يا راضي تذل إن يلحقك الملام=الكنيسـة خلهـا عنـد مــن صلابـهـا

راضي بن عتقان

ما تغير حاجةٍ جالها عشرين عام=و أنته لحالك و صيحتك ما يدرابها
و لا أنا رجال أعرف الحلال من الحرام=ما تلفت فالكنيسه و لا فأصحابها

عيد الجعيد

ديرةٍ ما في مداهيلها غير النعام=و الضواري يمها ما تحد أنيابها
و الله أنك لو تسير بها شرقٍ و شام=ما يقولون الرجال الغنايم جابها

راضي بن عتقان

انت متهور وشغلك كذا ماهو تمام =تكره الخلفة وتمشي ورى حلابها
انتبة ياخوك قدام يصحون النيام =مابغيناها تجي لحيتك واشنابها

عيد الجعيد

انتبه لاتاكل الزاد و العالم صيام=كلمتك هذي كبيره و لا نرضى بها
قلت خش القصر و أنته تعود للخيام=لين صرت من الغشامه تقص أطنابها

راضي بن عتقان

عيد عندة مشكلةفالشراب وفالطعام =ياكل الحية ولن جاع ياكل دابها
ياحسافة كان حطو على صدرة وسام =بعد زعل نص ربعة وأثار اعصابها

عيد الجعيد

راضي أمسى بين نار المعاصي و الاثام=صار مثل اللي ابليس العور سوابها
يتهمني ما درى انه محل الاتهام=كل ما اومت له ظروف الحياه اومابها

راضي بن عتقان

صاحبك راضي معه سيف و يقص العظام=و السيوف الحدب يشهد لها مضرابها
ما اتهمتك مير أبى أقول في مسك الختام=صدق من قال البعارين عوج ارقابها