السلام عليكم ورحمة الله وبركاته
هذه القصيده للشاعر الكبير رشيد الزلامي بعد زياره لمحافظة العقيق وبادية غامد من مده طويله
اسندها للشاعر \\ عبدالله بن جهيط الرفاعي الغامدي رحمه الله ,,
والقصيده حصريه لمنتديات عتيبه ,,
سافرت مع دار تعاوى سباعه=ارض خلا يقنب بها جايع الذيب
ومرت بي الطرقه مواطن رفاعه=طرقي وتجهلني ديار الاجانيب
ياليت لي ويا رفاعه جماعه=ياكثر ما فيهم من الشر والطيب
لو كان مالي في رفاعه طماعه=الا على سلم الوفا والمواجيب
اوطانهم ولعت فيها ولاعه=ساقتني الطرقه وصارت مكاتيب
مكتوب يامن لايع الحب لاعه=من شوفتي في ذا البني الرعابيب
قلت السلام ورد يرفع ذراعه=رد الوفا مافيه شك ولا ريب
ووقفت مالي للمسير استطاعه=كنك مرسبني الى القاع ترسيب
وانا احسب اني في صبر ومناعه=لاشك اثر سهم الهوى عجل ويصيب
راع الهوى ما في حياته شفاعه=لا صابته سود العيون المعاطيب
صواب ما تكشف عليه الاشاعه=وتضيع في طبه جميع الاطابيب
هذا حصل لي في مواطن رفاعه=بين العقيق وبين سود شناخيب
في ساعة باقي على الليل ساعه=حمرة شفق باقي على الشمس وتغيب
يا اهل الونيت اللي طويتو شراعه=جمس يقرب نازح البعد تقريب
مني ليا ابن جهيط معكم وداعه=ودو لعبدالله سلام ومكاتيب
قرم شجاع وفي محله شجاعه=وريف الضيوف اللي يبون المعازيب
كريم نفس وفي عرف وبراعه=وشاعر يفكك مبهمات الدواليب
قله رفيقك لايع البين لاعه=انقذ حياته يا حصان الاطاليب
دور لهيب ضاع طول ضياعه=انشد عنه واشرف بروس المراقيب
واظن يفزع معك بعض الجماعه=فالمعرفه ماهي بضرب المشاعيب
فان مالقيته سامح الله رفاعه=هو عندهم مافيه شك ولا ريب
- - - - - - - - - - - - - - - - - - -
رد الشاعر عبدالله بن جهيط
يالله يامطلـوب منـك الشفـاعـه=يا ملتهم يا عالـم السـر والغيـب
حي الكلام وحي من جاء وشاعـه=بالغامديـه شيـعـوه المنـاديـب
فزيت له ساعة سمعـت أطلاعـه=فزت غلا ماهيب فـزت عذاريـب
ياراكـب اللـي مشيتـه بنهزاعـه=صالون يقطـع نايـدات المهاذيـب
من وادي الحشرج يعجـل متاعـه=وادي كرا الحائط خيار الأشاعيـب
يسرح لمن النـور بيّـن شعاعـه=يوم الشواوي يولو بالمشاهيـب
من وردته ما غيّروا فـي قطاعـه=ولايسروا به في الحروف الدباديب
ولا هبطه راعيه سـوق المباعـه=ولا شـراه اللي يقضـي المطاليـب
خشـم الخيالـه سكتـه ونهزاعـه=و يأخذ على ماقيل بعدن وتقريـب
حطوا حضن عنكم يميـن وتلاعـه=حطوا السداره عند وجهك بتوجيب
وليا وصلتوا فـي شعيبـه وقاعـه=ميـل دركسونـه وزلـه تقضيـب
زله على اللي مشرعاً لك شراعـه=غير الزلامـي لاتـدور معازيـب
رشيد سِعّد اللي شكى من وجاعـه=عد النهل ماهوب سيبن على سيـب
وليا درابك وأطلـع بـك طلاعـه=لازم يثني لـك جديـد التراحيـب
مع شحـم عّـدواً يجيلـه رباعـه=بن(ن)وهيل وعود يدرج به الطيب
وسولـف ورد السوالـف بشاعـه=خلك رزين ورب الهـرج توريـب
وتلقـى كلام(ن)ينقـده بالوقـاعـه=يوزنـه مرتـب الهـرج ترتيـب
مثل الدراهم عند راعي البضاعـه=اللي يبع ويشتري فـي المجاليـب
كـان العـذارى ولعنّـه ولاعــه=قد قال الأول حبنّه ما هـو بعيـب
أن كانها عنـد الوفا والطماعـه=يبشر بمالن مايجي له تحاسيب
نفزع معه ياحيث حنا رفاعه=علمن صحيح ولايجي فيه تكذيب
وان كانها عند الردا والكاعه=فدق الخشوم ولازمتن بالتلابيـب
فاليوم عـاد الحكـم فيـه المناعـه=نمشي ونخضع تحت حكم المناصيب
حتى المنيمـس مايفيقـد جراعـه=مكتوب عده بالوفـاء والتحاسيـب
وأن كانها عند الرجاء والطماعـه=يبشر بمالـن مايجيلـه تحاسيـب
نمشي معه حيث ان حنـا رفاعـه=علم(ن)صحيح ولا يجي فيه تكذيب
وان كان ربي قد عطـاه القناعـه=طول الليالـي علمنـي التجاريـب
آخر تعديل عبدالله بن سليم يوم 31-Oct-2011 في 10:07 AM.
« آخـــر الـــمـــشـــاركــــات »
31-Oct-2011, 10:04 AM
قصيدة رشيد الزلامي في قبيلة رفاعه من غامد
العرض العادي
