حبيب العازمي و زبن القاضي

[متذوق الشعر]

تعليق مديرنا ابو فايح مطلوب



حبيب العازمي

انا وياك يالقاضي متى نقدر على مستور
ومستور العصيمي ماحد(ن )يقواه غير الله
تبا تبطي مقابل لدريشه ملحقك الدور
وفوق البحر بابورن مشى كله وقف كله

زبن القاضي

الا ياكنك شد الحيل وادخل بيتك المعمور
ترنا روق من ماض الزمن مانعرف الذله
وعد بالفور نسمعبه وطبقنا وعد بالفور
لكنا مانغير في سلوم الدين والمله

حبيب العازمي

ياكبر اللقمه اللي لو تسهل سدة الحنجور
لياكبرتها عله ولن صغرتها عله
يالله العجب قاضي تغزل في بنات الحور
تقول انك من اهل البل ماعندك ولا بله

زبن القاضي

بغينا نقطع العاني علاكم في شهر عاشور
لكن الشله الاولى طلع من بعدها شله
تدور ياحبيب مع هل الديره حليب طيور
لابله ثم لابله لابله ثم لابله

حبيب العازمي

سقاك الله ياقبر(ن) ماحوله فالديار قبور
هذا قبر الدجيما والدجيما مات من غله
منين القا حليب طيور ياللي تحلب العصفور
تبل حلقوكم وحلوقنا ماهيب مبتله

زبن القاضي

سقاك الله ياقبر الشمري مع جرة المضهور
يحب الفاتنه والفاتنه عيت تنازله
الا يالخاطر الضايق والا يالخاطر المسرور
يظللك الظلال اللي تعيش الوقت في ظله

حبيب العازمي
مشينا ماحسبنا وش وطينا والعلم منشور
لكن أن كان ماتقدر تشيل النا العلم خله
منول كنت تبني بالحجار المستدير قصور
لكن اليوم لو تلمس حجاره جتك منهله

زبن القاضي
تقولون الاراضي عامره مير الاراضي بور
وتفكير بدوي يحصل على مليون مع فله

آخر تعديل متذوق الشعر يوم 02-Oct-2011 في 05:20 AM.

[خالد السويداني القحطاني]

هب هب هب هب
الله الله الله الله
صحت الالسن والقلوووب
ابدااع منقطع النضير
حبيب طال الوقت ولاقصر مال الملعبه الا
حبيب العازمي
القاااضي ماقصرت شااعر ومعك خبره
لاكن حبيب والله مثل ماقال مايقواه الاربه
اشكرك يامتذوق الشعر
ويعلم الله انك متذوق شعر حقيقي

[الكاايد]

الله يرحم والديك يامتذوق الشعر

عزالله طاروق يمخمخ الراس


تبا تبطي مقابل لدريشه ما لحقك الدور
وفوق البحر بابورن مشى كله وقف كله

مزحه برزحه ومع ذلك يالبى قلبك يابو فيصل اشهد بالله انك كنق

[مهجرس]

صح لسان الشبح حبيب العازمي

و صح لسان شاعر الهيلا زبن القاضي

[عبدالله بن هملان الغامدي]

القاضي :

تدور ياحبيب مع هل الديره حليب طيور
لابله ثم لابله لابله ثم لابله


حبيب :

منين القا حليب طيور ياللي تحلب العصفور
تبل حلقوكم وحلوقنا ماهيب مبتله



صح لسان حبيب وزبن وتسلم يامتذوق الشعر على إختيار الطاروق الرائع

[ولدعساف]

صحة السنتهم .. طاروق كايف .. ويتجدد ابداع ابو فيصل من طاروق لطاورق وزبن القاضي الثقه والخبره في زود وجعلكم ياعتيبه من زود في زود ..

لاهنت على النقل ..

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[محمد الذيابـــي]

لاهنت يالغالي

التوقيع

التوقيع محمد الذيابـــي

[السفراني]

لاشك بأن لقب شاعر الهيلا الذي اطلق على الشاعر زبن القاضي حملة تبعه قوية

فهناك من شعراء عتيبة من هو أقوى منه في الموهبة الشعرية

[الجوراسي]

صح السان الشاعرين ولا هنت يامتذوق

[مهنـا العتيبي]

حبيب العازمي

سقاك الله ياقبر(ن) ماحوله فالديار قبور
هذا قبر الدجيما والدجيما مات من غله..!!!!!!!!!


مازال حبيب العازمي في الطليعه....