ديوان الشاعر ماجد بن عبود بن مزيد بن مغيرق

[أبو محالة]

بسم الله الرحمن الرحيم
الموضوع :
محاوره بين الكتاب وقارئ الكتاب أي كتابٍ نافع ومفيدٍ للقارئ لتنوير مداركه وصقل معلوماته اما القارئ المحاور للكتاب هو الشاعر : ماجد بن عبود بن مزيد بن مغيرق
وقبل بداية المحاوره مع الكتاب ابتدأ بذكر ربه وطلب مرضاته وينصح صحبه عن التمادي في الاخطاء ويعلق اخيرا على من يتجاهل واقعه ويتناسى ماضيه والكمال لله سبحانه وتعالى
والقصيدة كالاتي :

بداية ماابتديبه ذكر ربي عالم الاسرار = وتوحيده ومرضاته بالسر وبالعلانيه
توحيد الواحد الفرد الصمد بأ يمان واستغفار = من واجب كل من يؤمن بتوحيد الربوبيه
وانبه كل غافل قبل اشارة ساعة الانذار = قبل وقت الرحيل لحفرةٍ بارضٍ خلاويه
قبل توخذ على غفله فكر واحذر من الاقدار = ترى جيلك خطير وبعظهم ناسٍ حونشيه
ترى الدين النصيحه في حديث المصطفى المختار = يحذر من تمادى في متاهات الشبوهيه
ذهب جيل وبقي جيل وبعضهم مالهم ديار = رجالٍ كانوا الهم عندنا سمعه وشعبيه
وهاذي عاة الدنيا تقلب والزمن دوار = لكن اعتاض عنهم بالاحاديث النبويه
انا رفيقي اكتابي بوقت الحل والاسفار = رفيقٍ مستديمه رفقته ماهي بوقتيه
هاذا رفيقي المخلص الى خان الرفيق وبار = أصدق صديق صادقته في الشؤون الحياتيه
يوجهني ويرشدني بفايض علمه المدرار = افضل رفقته على المحبين وبني خيه
ملازمني وانا ملازمه بالسكن والمشوار = نديمي كل ليل وكل صبح وعصريه
يزودني ويشرح لي ما يجهلني من الاخبار = بمعلومات تجهلنا بعضها شبه مخفيه
وبادرت بسوالي للكتاب وقلت انا محتار = الى قلبت صفحاتك لقيت اخبار سريه
قال انت قاري وتقرأ بين الاقبال والادبار = تقرأ مضمون صفحاتي بين الغدوات والجيه
قلت اله انته تنير العقل والتفكير والافكار = ولاغيرك صديقٍ بالوطن شرقه وغربيه
قال انت اقرأ وركز وافهم المضمون لاتحتار= اقرأ واستوعب وركز ماهي قراءه سطحيه
قلت انت الصاحب الوافي تنير العقل بالانوار = وانت النبرأس والمرجع واستاذ لمحو الاميه
قال الكتاب انا احذر وانهى عن صحبة الاشرار = مؤلفة الحكي واهل السوالف الخياليه
بعضهم لو تناصح لك سواليفه كبار اكبار = مشلول العقل وافكاره عقيمه ماش عقليه
عمى بصيره ولافي د ينه د بره وتدبار = لازال يعيش بافكارالتخلف والضبابيه
يعيش بمجتمع متهلهل ومتخلف ومنهار = احبال الوصل بين اصفوفهم بادت وملغيه
مكبرة البشوت الملفته للنقد والانظار = وخص اللي يحبون المظاهر والفضوليه
هذا جاهل وذاك ارعن والاخر مارق ومهذار = خفافيشن بلاها الله بتقليد الكباريه
ترى بعض المظاهر والعزاوي ماتهد اجدار = وتقليد العمى مضره ولاله قبوليه
نشاهد من حوالينا ولاندري وش اللي صار = ناسٍ بان الخلل فيهم ولافيهم عروبيه
بعضهم لو تحلوالك تراه منافق وغدار = وجهين لعملةٍ وحده خبيث الطبع والنيه
اتشوف الحقد في مقرن احجاجه وانجس من الفار = قبيح الوجه والمنظر زرئ الشكل والهيئه
لو انه يجلس مع امه ولايبارح عن الدار = مابين امه وخالاته من هاذيه لهاذيه