حفل زواج منصور وغازي ابناء ناصر مرداس المقاطي

[(الــراوي)]

باسمكم يا ذخر جدي هل الفعل الجزيل=مرحبا من بعد جالي على المنبر مجال
مرحبا باللي حضر عد همال المخيل =ليلةٍ فيها حضرتوا من خيار الليال
للضيوف الطيب ينساق والكيف الاصيل =والقبال اللي يسابق فناجيل الدلال
في محلٍ يدهلونه مزبنة الدخيل =بالكرم معمور من عند وافين الخصال
هم عيال العود مرداس كساب الجميل= النعم ناله بفعله وورث له عيال
ياعساه بجنة الخلد يطعم سلسبيل=والبقاء بعياله اللي مكاسبهم جزال
طبعهم من سالف أجددهم جيلٍ لجيل =ما تغير عبر ماض السنين ولا يزال
ربعنا ودروعنا لا حصل فالوقت ميل =عزنا من عزهم دون شك ولا جدال
جمعنا مع جمعهم لا حضر وزنه ثقيل =العلوم الكايده نرتكي مثل الجبال
بيننا في صفنا ما دخل نذل وذليل =والردي لو حاول يطول من تحت الطوال
هكذا ربعي على العز جمعاهم تهيل =كل من حاول يعقد طويلات الحبال
المحبة والتواصل سلومٍ ما تزيل=والتعاون طبعنا وأشهد أنه رأس مال
بعد هذا واسمحوا يا هل الفعل النبيل =يارجالٍ جيتوا حضور في حفل الرجال
باسمكم مبروك ما لاح برق وسال سيل =ياعسى مبروك للي لهم قدر وجلال
بارك الله عرسهم مثل ما جاء فالدليل =وجعلها بوجيههم طيب حظ وطيب فال
قلتها من هاجسٍ ما يعرف المستحيل=لا بدأ اللازم يعانق مطاليع الهلال

صح لســـان هضيبان

[(الــراوي)]

يالله ياللي تلحف الأرض بلحاف =وقت الربيع ويعجب الناظريني
تطلع بذور الأرض من كل الأصناف =وتدير كل الكون في كل حيني
إنك تثبتنا على نهج الأسلاف=صفوة الأمة قدوة المتقيني
وخلاف هذا وقفة الرجال تنشاف=ندحم ولا نخشى بجنب متيني
أبشر يا أبو محمد ولا أني بزهاف =قدر الوفي من فوق راسي وعيني
يا هاجسي مالك عن الطيب محراف=طبعك وطبع أجدادك الأوليني
لكن شد الحيل واتعب على القاف=الوقت ضيق والمعاني تجيني
ما ني بلا مطلق ولا ني بصياف =لكن بأمر الله نجيد السميني
قول عليه إثبات والراي عساف =إن صخر القاسي حتى يليني
ولا نعرض الجزله على غير عراف =تعرض على اللي يعرفون الثميني
في حفل اذي مرداس ما عندي اهداف =إلا المعزة لأجل دنيا وديني
أحفاد عود في المواقيف ما خاف =مرداس ولد حنيف ذرب اليميني
قد بان يوم إن الخصم يرجف رجاف =يشهد على ما أقول ماضي السنيني
ويشهد إله برزان ما عندي إجحاف=صغير سن ورد الصامليني
يرهي على الساطي ولا ينكف ان كاف = الله يغفر له مع الصالحيني
لا مات من خلف ولا يلحقه إخلاف =اللي على نهجه من الطيبيني
واللي بعد مبروك من صدق و إنصاف =مبروك ثم مبروك لكل الثنيني
وبسم القبيله كلها رأس وأطراف = يا مرحبا بضيوفنا الحاضريني
يا مرحبا وأعداد من زار واطاف =على المشاعر كلها والقريني
حي الله الضيفان يوم الفرح ضاف =على وجوه ضيوفنا الغانميني

صح لسان سعدمطلق

[طلال ولد الهيلا]

اشكركم جميعا ع مروركم



واشكرك اخوي الراوي ع تنسيق القصيده حاولت انسقها لكن الظاهر ان تنسيق القصيدة في الموقع غير شغال




واكرر شكري يالراوي



تحياتي

[لعتيبه سفير]

الف الف مبروك والله يوفق العريسين

[الرأي الآخر]

ألف مبروك ،،،

[(الــراوي)]

المشاركة الأصلية كتبت بواسطة طلال ولد الهيلا

اشكركم جميعا ع مروركم



واشكرك اخوي الراوي ع تنسيق القصيده حاولت انسقها لكن الظاهر ان تنسيق القصيدة في الموقع غير شغال




واكرر شكري يالراوي



تحياتي

لا شكر على واجب اهل الحفل

يعزون على واجد والشعراء كذلك


ولاهنت ياطلال

[طلال ولد الهيلا]

يستاهلون اهل الحفل

وانت كذاك تستاهل الشكر والتقدير يالراوي

والفال لك ولكل الاعزوبيه




تحياتي

[طارق الخراص]

الف الف مبروك للمعرسين

والله يوفقهم

[طلال ولد الهيلا]

الله يبارك فيك

وجزاك الله خير




ولاهنت ع مرورك

[راعي السفاري]

المشاركة الأصلية كتبت بواسطة (الــراوي)

باسمكم يا ذخر جدي هل الفعل الجزيل=مرحبا من بعد جالي على المنبر مجال
مرحبا باللي حضر عد همال المخيل =ليلةٍ فيها حضرتوا من خيار الليال
للضيوف الطيب ينساق والكيف الاصيل =والقبال اللي يسابق فناجيل الدلال
في محلٍ يدهلونه مزبنة الدخيل =بالكرم معمور من عند وافين الخصال
هم عيال العود مرداس كساب الجميل= النعم ناله بفعله وورث له عيال
ياعساه بجنة الخلد يطعم سلسبيل=والبقاء بعياله اللي مكاسبهم جزال
طبعهم من سالف أجددهم جيلٍ لجيل =ما تغير عبر ماض السنين ولا يزال
ربعنا ودروعنا لا حصل فالوقت ميل =عزنا من عزهم دون شك ولا جدال
جمعنا مع جمعهم لا حضر وزنه ثقيل =العلوم الكايده نرتكي مثل الجبال
بيننا في صفنا ما دخل نذل وذليل =والردي لو حاول يطول من تحت الطوال
هكذا ربعي على العز جمعاهم تهيل =كل من حاول يعقد طويلات الحبال
المحبة والتواصل سلومٍ ما تزيل=والتعاون طبعنا وأشهد أنه رأس مال
بعد هذا واسمحوا يا هل الفعل النبيل =يارجالٍ جيتوا حضور في حفل الرجال
باسمكم مبروك ما لاح برق وسال سيل =ياعسى مبروك للي لهم قدر وجلال
بارك الله عرسهم مثل ما جاء فالدليل =وجعلها بوجيههم طيب حظ وطيب فال
قلتها من هاجسٍ ما يعرف المستحيل=لا بدأ اللازم يعانق مطاليع الهلال

صح لســـان هضيبان

صح لسان ابونايف