غالب
سلام تسليمةٍ يفتح لها سوق الذهـب بـاب= من شاعرٍ يكرب حبال المعانـي لافتلهـا
ياليتني يوم اجر الصوت وارقى كل مرقاب= القى خويٍ على الشطات نفسـه ماعذلهـا
فلاح
يامرحبا ياهلا بك ميـر ماقدامـك اجنـاب=من شاعر (ن)لاحضر للملعبه يصبح بطلها
ياصاحبي جر صوتك قدمك مفتلت الاشناب=والا المواقف تراها ماتبـي ياكـود اهلهـا
غالب
يا واهبي جاك ليثٍ من صفاته يحكم الغاب = واثقل حمول المتون الكايده يصبح جملهـا
كب الهقاوي بعد مامسيت تلعن لدغة الداب =واعلم ترى كل نفس اصلاً جزاها من عملها
فلاح
ياليث ياللي من اعتيبه تنال احضور واعجاب=لكن نفـس البنـادم ماتخلـى مـن جهلهـا
هذا الذيابي بسيط امره مابين الضرس والناب=يتخيل انه نصر نفسه وهـو طبعـا خذلهـا
غالب
ابليس لبسّك يارجال هـاك اليـوم جلبـاب=والا سواتك عليـه حقـوق ديـن الله كفلهـا
قلعة خشاش التراب اليا صدفت احرار وذياب=مار المقدّر يقود الرجل ليـن يحيـن اجلهـا
فلاح
ابليس مايقرب اللي بيتـه موثـق بالاطنـاب=والواهبي لا هقا له هقوة(ن) غصبن يصلها
العاقر اللي تبا تنجـب ولكـن مابـه انجـاب=يـاوش يسويبهـا فـلاح لا ماتـت باملهـا
غالب
ياطيبكم لو عملتوا لليالي قيـس وحسـاب=قبل الليالـي ندمهـا تابـعٍ ساعـة زللها
عاقر ثلاثين عام وسلتني عن طب الاطباب=مافيه عاقر تحت صاحبك انا الليلة فحلهـا
فلاح
وياطيبكم لو بذلتوا للمصايب كل الاسبـاب=واشوف غالب مايدري ورعها والا كهلهـا
لا والله تمنّـى لـو ّغالـب عنهـا غـاب=وتبكي على الواهبي والدمع نازل من زعلها
غالب
ياطول ليلي وليلك مار يا فكاك الانشـاب=ياعالمٍ نية المخلوق لـو صـدره قفلهـا
قامت تحن الهجوس وحبلها راهي وجذاب=لكن عقلها فلاح وجزت يوم انـه عقلهـا
| التوقيع |
:
:
:
إذا الكريمُ رأى الخمولَ نزيلـهُ=في منزل فالحـزمُ أن يترحـلا
كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا
سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا
لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا
صفحتي على التويتر |
08-Sep-2011, 04:53 PM
العرض العادي
