تعال يامجول

[سعد الرويس العتيبي]

تعال يامجول وشب النار= في راس عدوانك وعدواني
اللي سوات ماعليه غبار=يدحم فلان ويدحم افلاني

[مجول بن جلال المقاطي]

انا قريب في حدود الدار = سيفي معي ومجهز حصاني

وفكري نهار الجد مايحتار = بالسيف اطوع كل شيطاني

[سعد الرويس العتيبي]

ابشر بعزك والفعول اكبار=بضرب الاول على الثاني
انا ادري انك فارسن مغوار=عليك بالعدوان من داني

[مجول بن جلال المقاطي]

حنا نقدر راعي المقدار = اللي علومه وزن ميزاني
واللي علومه عوج مهما صار= ماله مع اهل العرف عنواني

[سعد الرويس العتيبي]

اسلوب عاقل والوفا له كار=وترى الخطا ماهوب ميداني
اخذ اليمين ولا تروح يسار=مال البيوت العوج سيساني

[مجول بن جلال المقاطي]

لاياسعد مانته غريب ديار = فعلك ليل حمي الوغا باني
انتم وحنا طايلين اشبار = رويس ومقاطي مثل الاخواني

[مجول بن جلال المقاطي]

والمعذره ياسعد استاذنك راح اغادر المنتدى معزوم على السحور فمان الله

[سعد الرويس العتيبي]

يامجول كلن يعرف الانصار= لكن حاول قدر الامكاني
انا ولد عمك بدون اعذار=حفظ لسانك وحفظ لساني

[سعد الرويس العتيبي]

المشاركة الأصلية كتبت بواسطة مجول بن جلال

والمعذره ياسعد استاذنك راح اغادر المنتدى معزوم على السحور فمان الله

الله يستر عليك وتحيتي

[سعد بن مطلق المقاطي]

انتم وحنا طايلين اشبار = رويس ومقاطي كى الاخواني

صح لساااانك ولساااااان قبيلك

التوقيع

ديــــــــــــــــواني