أين مكافحه التسول عن هولاء الشعراء

[نيزك]

المشاركة الأصلية كتبت بواسطة ابو ضيف الله

على طاري المدح المحمود يا نيزك يقول الصعيليك يمدح (ابو خوذه) عبد الكريم الجربا

عيبك ليا قالوا الناس بك عيب = بالسيف لرقاب المناعير قصاب
وعيبك ليا قالوا الناس بك عيب = بالسمن فوق مفطح الحيل صباب
ومن عقب ذا بالعون مابك عذاريب = احلى من السكر على كبد شراب

هذه الابيات خاصة وقصيدة الصعليك عامة من اروع قصائد المدح في الشعر النبطي
والشيخ عبد الكريم الجربا -حاتم عصره- يستحق ان يخلد ذكره في دواوين التراث

وهذي القصيده ياأبو ضيف الله كامله

يا شيخ انا جيتك على الفطّر الشيب = قزّان من دار المحبين دبّاب
دبا عليّ ودبّ مني بتقريب = قل المواشي ياذرا كل منهاب
من دارنا جينا لدارك مغاريب = يمّوم نجمِ لا تغيّر ولا غاب
متخيرك يامنقع الجود والطيب = لا خيّب اله للاجاويد طلاّب
سلام من قلبٍ محبٍ بلا ريب = له يستتبّ الشاب ويشبّ من شاب
يالجوهر الناريز يالعطر يالطيب = يالصعل يالصهّال يا حصان الاطلاب
يالزير يالزحّار يالنمر يالذيب = يالّليث ياللاّيوث يالشبل يالداّب
يالضاري الضرغام عطب المضاريب = يالفرز يا مفراس ضده والاجناب
يالنّادر الهيلع عقاب المراقيب = يا نافلٍ جيله بعيدين وأقراب
نطّاح طابور العساكر لياهيب = ستر العذارى لاغشا الزمل ضبضاب
عيبك الى من قالو الناس بك عيب = بالسيف لأقاب المناعير قصّاب
وعيبك الى من قالو الناس بك عيب = للسمن فوق مفطّح الحِيل صبّاب
وذبح الغنم والكوم حرش العراقيب = وِإعطا المهار وبذل مالٍ بلا حساب
وبك شارةٍ كب الفراد المحاديب = وبذل الطعام وللتنافيل كسّاب
ونمرا تجرّة للعدا والاجانيب = تفجا بها غرّات ضدك بالاسباب
ومن عقب ذا بالعون مابك عذاريب = احلى من السكّر على كبد شرّاب
جيناك فوق الهجن شيب المحاقيب = لمشاهدك ياشوق وضّاح الانياب
الحرّ يضرب بالكفوف المعاطيب = والتّبع قناصه من الصيد ما جاب
وانت الذي تافي بكل المواجيب = كنك هديب الشام بالحمِل عتّاب
تثني لابو صلفيق مابه تكاذيب = شيخ السخا معطي طويلات الارقاب
ياما عطيت اللي يجونك طلاليب = كم واحد جا لك من الوقت منصاب
وفرجت همّه في كبار المواهيب = من عيلمٍ يزمي كما يزمي الزّاب
عز الله انك طيب وتفعل الطيب = والطيب يجنى منك يازاك الانساب
ولاهو كثيرٍ يا مهدي الاصاعيب = أفعالكم يعدّة اللي بالاصلاب

ولما سمع الشيخ عبد الكريم هذه القصيدة اعطى خضير الصعييك 15 بعير .
بس هاااه تراها ماهي مثل أم (150 مليون ريال) .... حقة الصفقة إياها
..

آخر تعديل نيزك يوم 28-Jul-2011 في 04:05 AM.