عندما يكون هناك ابداع وتميز فتذكر سهم عتيبة وشاعر الهيلا

[وافي ضاوي]

هذا الطاروق اقيم في منتديات العضيان في يوم الاثنين 27/6/1432هـ


بين كلآ من سلطان الجلاوي والملقب بسهم عتيبة && زبن القاضي والملقب بشاعر الهيلا


شعراء عرفوا بجزالة المعنى وقوته شعراء مميزين شعراً واخلاقاً

سلطان الجلاوي

يالليل يالليل يالليل السعد ماحلاك من لليل=اللي جمعت الرجال الغانمـه منـا ومنـا
متى على الله زبن يجلا الملام ويعدل الميل=الذيب الاشهب عن النيبان كشر ومتحنـا

زبن القاضي

ياليل ماحلاك جمّعة الرياجيـل الحلاحيـل=لون بعض اليالي تشقـي القلـب المعنـا
مايبطي السيل غير ليا كّبر وابشر لك بسيل=سيل الحياء يحيي الديرة وربـع ياوطنـا

سلطان الجلاوي

الضيف عندك يبا يلقى الشحم والبن والهيل=لكن ماجتلك الدنيـا علـى منـت ابتمنـا
البدو ترعى الدبش يازبن وتخيل المخاييل=مار السماء صافيه ولارض بورالله يامنـا

زبن القاضي

انته كريم وطويل ذراع وايامـك مقابيـل=دنيا الفنا فانيـه والصبـر طيـب لاتجنـا
البدو اهل ماشيه يمشون لو مامن محاصيل=ارزاقهم ستر حال وفعالهم سيـف ً محنـا

سلطان الجلاوي

قامت تشيل الليال القشرولليال السعد حيـل=اليوم صارت عضام شعيل بالحملـه تثنـا
الناس وصلو مدارات الفضا والجدي وسهيل=والبدوماعندهـا الا سالفـة حنـا وحـنـا

زبن القاضي

الوقت من خلقة الدنيا مابين الحط والشيل=اصمد لاتبرد عظامك بالحمولـه ياجملنـا
لا واحلا لاه ياوقت القنا والسيف والخيل=حتى نسج القدم فـي شامنـا والا يمنـا

سلطان الجلاوي

صدرك شمالي وصدري للهموم اصبح مداهيل=لكـن صـح الله السانـك وصـح الله بدنـا
من ماضي الوقت نبلغ شفنا ونوفـي الكيـل=انتم وحنا ترانـا ستـر ابـو كـفٍ محنـا

زبن القاضي

ماضاق صدري يابو صاهد ولا تابع هذا الجيل=لكن صح الله السانك علـى القـاف ولحنـا
ياطيبكم ياعيال العـود شجعـان ونواجيـل=وحنا لياضاقت الدنيا علـى الخايـف زبنـا

[محمد الذيابـــي]

لاهنت ياوافي ولاهانو الشعراء الذين نقلت طواريقهم

التوقيع

التوقيع محمد الذيابـــي

[وافي ضاوي]

ولا هنت يالذيابي

[ابو فايح]

الله الله الله


طاروق فايف ستار


تركيب أبيات رائع لأبعد الحدود


وسيك وحبك أبيات فريد من نوعه


تمنيت أن هذا الطاروق فالميدان


الطاروق كأنه سياسي والله أعلم


صحت ألسنتهم

وبيض الله وجهك يا وافي

[عبدالمجيد النفيعي]

مادام كل شطر مناسب للشطر اللذي قبله ومافيه تكرارات لألفاظ بنصها الحرفي هذه محاورة تطربنا ، لكن أنا ماأدري تصوير المعاناة عند الجلاوي ماذا يرمز له ؟ هل هم يناقشون قضية إجتماعية أو سالفة بينهم ؟ في إنتظار أبوفايح

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

[وافي ضاوي]

المشاركة الأصلية كتبت بواسطة ابو فايح

الله الله الله


طاروق فايف ستار


تركيب أبيات رائع لأبعد الحدود


وسيك وحبك أبيات فريد من نوعه


تمنيت أن هذا الطاروق فالميدان


الطاروق كأنه سياسي والله أعلم


صحت ألسنتهم

وبيض الله وجهك يا وافي

الفايف ستار والاروع هو مرورك وتعليقك

لكن ان امكن توضح لنا وش مقصدهم ..؟؟

[وافي ضاوي]

المشاركة الأصلية كتبت بواسطة عبدالمجيد النفيعي

مادام كل شطر مناسب للشطر اللذي قبله ومافيه تكرارات لألفاظ بنصها الحرفي هذه محاورة تطربنا ، لكن أنا ماأدري تصوير المعاناة عند الجلاوي ماذا يرمز له ؟ هل هم يناقشون قضية إجتماعية أو سالفة بينهم ؟ في إنتظار أبوفايح

اهم شي انك انطربت بعيدآ عن فهم المعنى

[فيصل بن فهد الجهني]

يا الربع زبن ماهو بسيط


لله دره شاعر الهيلا



لا هنت يا الذيب

[وافي ضاوي]

المشاركة الأصلية كتبت بواسطة فيصل بن فهد الجهني

يا الربع زبن ماهو بسيط


لله دره شاعر الهيلا



لا هنت يا الذيب

كل شعار الهيلا ماهم بسيطين

من ممدوح العطياني الى رشيدالزلامي


ولاهنت

[مرزوق الوذيناني]

يستاهلو شعراء رائعين وكبار

مشكور ياوافي